தோ்தலில் திமுக மிகப் பெரிய வெற்றியைப் பெறும் என்றாா் கனிமொழி எம்.பி.
விளாத்திகுளம் சட்டப்பேரவை தொகுதி திமுக பாக முகவா்கள் ஆலோசனைக் கூட்டம், எட்டயபுரத்தில் செவ்வாய்க்கிழமை நடைபெற்றது. சட்டப்பேரவை உறுப்பினா் ஜீ.வி. மாா்க்கண்டேயன் தலைமை வகித்தாா். சமூக நலன் மற்றும் மகளிா் உரிமைத் துறை அமைச்சா் பெ. கீதா ஜீவன் முன்னிலை வகித்தாா்.
கூட்டத்தில் திமுக துணை பொதுச் செயலா் கனிமொழி எம்.பி. பேசியதாதவது: என்னுடைய பொறுப்பில் இருக்கக் கூடிய ஓரணியில் தமிழ்நாடு உறுப்பினா் சோ்க்கையில் விளாத்திகுளம் தொகுதி முதலிடத்தில் உள்ளது. இன்னும் கொஞ்சம் முயற்சி செய்தால் தமிழ்நாட்டிலேயே முதல் இடத்துக்கு வந்துவிடலாம். சட்டப்பேரவை உறுப்பினா் மாா்க்கண்டேயன் உள்ளிட்ட நிா்வாகிகளுக்கு வாழ்த்துகளை தெரிவித்துக் கொள்கிறேன்.
ஓரணியில் தமிழ்நாடு முகாமில் வாக்குச்சாவடிதோறும் 30 சதவீதம் வாக்காளா்களை திமுக உறுப்பினா்களாக்கும் திட்டத்தை முதல்வா் அறிவித்திருக்கிறாா். எனவே 30 சதவீதம் தான் இலக்கு என நினைக்க வேண்டாம். எவ்வளவு முடிகிறதோ அந்த அளவுக்கு உறுப்பினா்களை சேருங்கள்.
இன்றைக்கு திடீரென அரசியலில் குதித்தவா்கள், மாநில ஆட்சி, மத்திய ஆட்சி என்கிற வித்தியாசம்கூட தெரியாமல் கேள்வி கேட்டுக் கொண்டிருக்கிறாா்கள். இதையெல்லாம் மக்களுக்கு எடுத்து சொல்லக்கூடிய வாய்ப்பு இந்த ஓரணியில் தமிழ்நாடு முகாமில் உள்ளது.
கட்சியினரின் ஆா்வத்தை, உணா்வுகளை என்னால் புரிந்து கொள்ள முடிகிறது. நிச்சயமாக மிகப்பெரிய அளவில் வெற்றி பெறுவோம் என்ற நம்பிக்கை உள்ளது என்றாா்.
தூத்துக்குடி மாநகராட்சி மேயா் ஜெகன் பெரியசாமி, ஒன்றியச் செயலா்கள் ராமசுப்பு, அன்புராஜன், ராதாகிருஷ்ணன், நவநீதகண்ணன், மும்மூா்த்தி, காசிவிஸ்வநாதன், நகரச் செயலா் வேலுச்சாமி, பேரூராட்சி தலைவா் ராமலட்சுமி சங்கரநாராயணன், முன்னாள் ஊராட்சித் தலைவா்கள் சாமி சுப்புராஜ், சீத்தாராமன், முத்துக்குமாா், பாலமுருகன், தகவல் தொழில்நுட்ப அணி நிா்வாகிகள் ஸ்ரீதா், கரண்குமாா் உள்ளிட்ட பலா் கலந்து கொண்டனா்.
