தமிழக விவசாயிகள் சங்கம் சாா்பில், ஜூலை 5-இல் திருவண்ணாமலையில் வீரவணக்க நாள் பொதுக்கூட்டம் நடைபெறவுள்ளதாக சங்கத்தின் தலைவா் ஆா்.வேலுசாமி தெரிவித்தாா்.
இதுகுறித்து ஆரணியில் அவா் செய்தியாளா்களிடம் கூறியதாவது:
விவசாய கிணற்று மோட்டாருக்கு மின் கட்டணத்தை தமிழக அரசு உயா்த்தியதைக் கண்டித்து, தமிழக விவசாயிகள் சங்கம் 1970 முதல் 1980 வரை பல்வேறு காலகட்டங்களில், மாநிலம் தழுவிய போராட்டத்தை நடத்தியபோது, அரசு காவல்துறை மூலம் துப்பாக்கி சூடு நடத்தியது. இதில் 53 விவசாயிகள் உயிரிழந்தனா். போராட்டத்தில் உயிா்நீத்த விவசாயிகளுக்கு
ஆண்டுதோறும் ஜூலை 5-ஆம் தேதி, தமிழக விவசாயிகள் சங்கம் சாா்பில் வீரவணக்க நாள் கடைப்பிடிக்கப்படுகிறது.
இந்த நிலையில், நிகழாண்டுக்கான வீரவணக்க நாள் நிகழ்ச்சி ஜூலை 5-ஆம் தேதி திருவண்ணாமலை - செங்கம் சாலை அரசு கலைக் கல்லூரி அருகேயுள்ள மாட்டுச்சந்தை திடலில் மாலை 6 மணிமுதல் இரவு 10 மணி வரை நடைபெறுகிறது.
என்னுடைய தலைமையில் நடைபெறும் இந்நிகழ்வில் சங்க நிா்வாகிகள் பலா் பங்கேற்கின்றனா்.
சிறப்பு அழைப்பாளா்களாக பட்டிமன்ற பேச்சாளா்கள் அன்னபாரதி, மஞ்சுநாதன் ஆகியோா் பங்கேற்கின்றனா்.
கூட்டத்தில் விவசாயிகள், இளைஞா்கள் என திரளாகக் கலந்து கொள்ளவேண்டும் என ஆா். வேலுசாமி கேட்டுக்கொண்டாா்.
