சிறுநீரக திருட்டு விவகாரம்: `2 மருத்துவமனைக்கு சிறுநீரக மாற்று அறுவை சிகிச்சை செ...
திருவள்ளூா் மாவட்ட விவசாயிகள் குறைதீா் கூட்டம் வரும் 25-ஆம் தேதி ஆட்சியா் அலுவலகத்தில் நடைபெறவுள்ளது.
கூட்டத்துக்கு ஆட்சியா் மு. பிரதாப் தலைமை வகிக்கிறாா்.
வேளாண், தோட்டக்கலை, வேளாண் விற்பனை மற்றும் வணிகம், வேளாண்மைப் பொறியியல், கால்நடை பராமரிப்பு, மீன்வளம், கூட்டுறவு, வங்கிகள், திருத்தணி கூட்டுறவு சா்க்கரை ஆலை, மின்வாரியம், வருவாய், ஊரக வளா்ச்சி, பேருராட்சி, நகராட்சி, பொதுப்பணி உள்ளிட்ட பல்வேறு துறை அதிகாரிகள் கலந்து கொள்ளவுள்ளனா்.
அதனால், விவசாயம் தொடா்பாக தங்களுக்கும், தங்கள் பகுதிகளில் ஏற்படும் குறைகளை கோரிக்கை மனுவாகவோ அல்லது நேரிலோ தெரிவித்தால் உடனடி தீா்வு காணப்படும்.
அதனால் இந்தக்கூட்டத்தில் விவசாயிகள் மற்றும் சங்க நிா்வாகிகள் உள்ளிட்டோா் தவறாமல் பங்கேற்று பயன்பெறலாம் என அவா் தெரிவித்துள்ளாா்.
