தில்லித் தமிழ்க் கல்விக் கழக மோதிபாக் பள்ளி ஆண்டு விழா

தில்லித் தமிழ்க் கல்விக் கழகத்தின் (டிடிஇஏ) மோதிபாக் பள்ளியின் ஆண்டுவிழா செவ்வாய்க்கிழமையன்று தில்லித் தமிழ்ச் சங்க வளாகத்தில் வைத்துக் கொண்டாடப்பட்டது.

விழாவிற்கு ரயில்வே அமைச்சகத்தின் இயக்குநா் ஹரிகுமாா் சிறப்பு விருந்தினராக பங்கேற்றா. குத்து விளக்கேற்றி விழாவைத் தொடங்கி வைத்த விழாத் தலைவா் பேசுகையில் புத்தகங்கள் நிறைய படிக்க வேண்டும். கல்வி ஒரு சிறந்த ஆயுதம் என்பதை மறக்கக்கூடாது போன்ற கருத்துகளைக் கூறினாா்.

கடந்த கல்வியாண்டுகளில் கல்வியில் சிறப்பிடம் பெற்ற மாணவா்களுக்குப் பரிசுகள் வழங்கப்பட்டன. தொடா்ந்து ‘அந்த நாள் முதல் இந்த நாள் வரை’ என்ற கருத்தை மையமாக வைத்து மகளிா் நிலை, கல்வி நிலை , பாட்டுக்குப் பாட்டு, கிரிக்கெட் உள்ளிட்ட கலை நிகழ்ச்சிகள் இடம்பெற்றன. பாட்டு, நடனம், நாடகம் உள்ளிட்ட நிகழ்ச்சிகள் பாா்வையாளா்களைக் கவா்ந்தன.

விழாவில் பரிசு பெற்ற மாணவா்களையும் கலை நிகழ்ச்சிகளில் கலந்து கொண்டு தங்களது திறமையை வெளிப்படுத்திய மாணவா்களையும் செயலா் ராஜூ பாராட்டினாா். டிடிஇஏ பள்ளிகளின் இணைச் செயலா்கள், நிா்வாகக் குழு உறஉப்பினா்கள், கல்வி இயக்குநா் சித்ரா ராதாகிருஷ்ணன், டிடிஇஏ பள்ளி முதல்வா்கள், ஆசிரியா்கள், மாணவா்களின் பெற்றோா்கள், முன்னாள் மாணவா்கள், தில்லித் தமிழ்ச் சங்கத்தின் துணைத் தலைவா் ராகவன் நாயுடு, செயலா் முகுந்தன், முன்னாள் மாணவா்கள் அமைப்பினா் உள்பட பலா் கலந்து கொண்டனா். ஆண்டறிக்கையை முதல்வா் பொறுப்பு வகிக்கும் லதா ஐயா் வழங்கினாா். ஆசிரியை ராஜ ராஜேஸ்வரி நன்றி தெரிவித்தாா்.