தீபாவளி சிறுசேமிப்பு திட்டத்தில் பண மோசடி செய்த நபா்கள் மீது நடவடிக்கை எடுக்குமாறு மாவட்டக் காவல் கண்காணிப்பாளா் அலுவலகத்தில் பாதிக்கப்பட்ட பெண்கள் மற்றும் ஆண்கள் 15 போ் வெள்ளிக்கிழமை புகாா் செய்தனா்.
புகாா் மனு விவரம்: தஞ்சாவூா் மருத்துவக்கல்லூரி கலைஞா் நகா், புதுக்கோட்டை சாலை கற்பகம் நகரில் தனியாா் நிறுவனத்தை நடத்தி வந்த தம்பதியினா் தீபாவளி, கிறிஸ்துமஸ், புத்தாண்டு சிறுசேமிப்புத் திட்டம், தீபாவளி சிறுசேமிப்பு குலுக்கல் கூப்பன் திட்டம் நடத்துகிறோம் எனக் கூறி மாதந்தோறும் ரூ. 500, ரூ. 1,000 என வசூல் செய்தனா். இதில் ரூ. 500 கொடுப்பவா்களுக்கு 12 மாதங்களில் ரூ. 7 ஆயிரத்து 500-ம், ரூ. 1,000 கொடுப்பவா்களுக்கு ரூ. 15 ஆயிரமும் பெற்றுக் கொள்ளலாம் எனவும் கூறினா்.
இதை நம்பி நாங்கள் 11 போ் தீபாவளி சிறுசேமிப்பு திட்டத்தில் சோ்ந்து ரூ. 70 லட்சம் செலுத்தினோம். ஆகஸ்ட் மாதம் பணத்தை திரும்பப் பெற்றுக் கொள்ளலாம் எனக் கூறியதன் அடிப்படையில், நாங்கள் அவா்களது கைப்பேசிக்கு தொடா்பு கொள்ளும்போது ஸ்விட்ச் ஆப் செய்யப்பட்டுள்ளது தெரிய வந்தது. இதேபோல, வீட்டுக்குச் சென்று தேடியபோது இருவரும் இல்லை.
பின்னா், அத்தம்பதியினா் ஏற்கெனவே மோசடி வழக்கில் கைது செய்யப்பட்டு, சிறையில் அடைக்கப்பட்டிருப்பது தெரிய வந்தது. இதேபோல, எங்களிடமும் தீபாவளி சிறுசேமிப்பு திட்டம் என்ற பெயரில் பணத்தை பெற்று மோசடி செய்திருப்பதை அறிந்தோம். ஏழ்மை நிலையில் உள்ள நாங்கள் வாழ்வாதாரமின்றி கஷ்டமான நிலையில் உள்ளோம். எங்களைப் போன்று இன்னும் ஏராளமானோா் பாதிக்கப்பட்டுள்ளனா். எனவே, தொடா்புடைய தம்பதி மீது நடவடிக்கை எடுத்து, எங்களது பணத்தை பெற்றுத் தருமாறு கேட்டுக் கொள்கிறோம்.
