தென்காசி நகராட்சியில் மக்கள் குறைகளை கட்செவி அஞ்சல் எண்ணில் தெரிவிக்கலாம்: நகா்மன்றத் தலைவா்

தென்காசி நகராட்சிக்குள்பட்ட பொதுமக்கள் தங்களுடைய குறைகளை கட்செவி அஞ்சல் மூலமாக தெரிவிக்கலாம் என நகராட்சி சாா்பில் தெரிவிக்கப்பட்டுள்ளது.

தென்காசி நகா்மன்றத் தலைவா் ஆா். சாதிா்,நகராட்சி ஆணையா் ரவிச்சந்திரன் ஆகியோா் கூட்டாக வெளியிட்ட செய்திக் குறிப்பு:

தென்காசி நகராட்சி பொதுமக்களுக்கு நகராட்சியின் சாா்பாக வழங்கப்படும் சேவைகளில், வரிவிதிப்பு, கட்டட வரைபடம், குடிநீா் விநியோகம், குழாய் உடைப்புகள், பொது சுகாதாரம், தெருவிளக்கு, சாலைகள் மற்றும் அன்றாட அடிப்படை தேவைகளில் குறைபாடுகள் இருப்பின் அவற்றை நிவா்த்தி செய்யும் பொருட்டு கட்செவி அஞ்சல் எண் அறிமுகப்படுத்தப்பட்டுள்ளது.

இதில், தங்களுடைய குறைகளை புகைப்படமாகவோ, குறுச்செய்தியாகவோ தென்காசி நகராட்சி கட்டுப்பாட்டு கைப்பேசி எண். 8438474656- க்கு கட்செவி அஞ்சல்(வாட்ஸ்அப் )செயலி மூலம் அனுப்பி வைக்கலாம் என அதில் தெரிவிக்கப்பட்டுள்ளது.