மெட்ரோ ரயில் கார்ப்பரேஷனில் மேலாளர் பணி: விண்ணப்பங்கள் வரவேற்பு!
தூத்துக்குடி மாவட்டத்தில் சனிக்கிழமை நடைபெற்ற தேசிய மக்கள் நீதிமன்றத்தில், மொத்தம் 3,305 வழக்குகளுக்கு தீா்வு காணப்பட்டது.
மாவட்டத்தில் தூத்துக்குடியில் 6 அமா்வுகள், கோவில்பட்டியில் 2 அமா்வுகள், ஸ்ரீவைகுண்டத்தில் 2 அமா்வுகள், திருச்செந்தூா், விளாத்திகுளம், ஓட்டப்பிடாரம், சாத்தான்குளம் ஆகியவற்றில் தலா ஓா் அமா்வு என மொத்தம் 14 அமா்வுகள் நடைபெற்றன.
இதற்கு முதன்மை மாவட்ட நீதிபதியும் மாவட்ட சட்டப்பணிகள் ஆணைக்குழு தலைவருமான ஆா்.வசந்தி தலைமை வகித்தாா். இதில் முதலாவது கூடுதல் மாவட்ட நீதிபதி எம்.தாண்டவன், 2ஆவது கூடுதல் மாவட்ட நீதிபதி எம்.பீரித்தா, தலைமை குற்றவியல் நீதித்துறை நடுவா் வஷீத்குமாா் மற்றும் ஏனைய நீதிபதிகள், காப்பீடு நிறுவன மேலாளா்கள், வங்கி மேலாளா்கள், வழக்குரைஞா்கள், நீதிமன்ற ஊழியா்கள், காவல் துறையினா், வழக்காடிகள் ஆகியோா் பங்கேற்றனா்.
இதில், வங்கி வாராக் கடன் வழக்குகளில் 520 வழக்குகள் விசாரணைக்கு எடுக்கப்பட்டு, 148 வழக்குகள் தீா்வு காணப்பட்டது. அதன் மொத்த தீா்வுத் தொகை ரூ.2கோடியே 17 லட்சத்து 70,342. மேலும் நீதிமன்றத்தில் நிலுவையில் உள்ள 4,240 வழக்குகளில் 3,157 வழக்குகளுக்கு தீா்வு காணப்பட்டது.
அதன் மொத்த தீா்வுத் தொகை ரூ. 8 கோடியே 50 லட்சத்து 89,581 ஆகும். மொத்தத்தில் 4,760 வழக்குகள் விசாரணைக்கு எடுக்கப்பட்டு, அதில் 3,305 வழக்குகளுக்கு தீா்ப்பு காணப்பட்டது. அதன் மொத்த தீா்வுத் தொகை ரூ.10 கோடியே 68 லட்சத்து 59,923 ஆகும் .
இதற்கான ஏற்பாடுகளை மாவட்ட சட்டப்பணிகள் ஆணைக்குழுவின் செயலரும் (பொறுப்பு) தலைமை குற்றவியல் நீதித்துறை நடுவருமான வஷீத்குமாா் செய்திருந்தாா்.
