அரியலூா், ஜெயங்கொண்டம், செந்துறை ஆகிய நீதிமன்றங்களில் சனிக்கிழமை நடைபெற்ற தேசிய மக்கள் நீதிமன்றத்தில், 941 வழக்குகள் முடிக்கப்பட்டு ரூ. 4.80 கோடி மதிப்பில் தீா்வு காணப்பட்டது.
மேற்கண்ட நீதிமன்றங்களில் நடைபெற்ற தேசிய மக்கள் நீதிமன்றத்தை, மாவட்ட முதன்மை அமா்வு நீதிபதியும், மாவட்ட சட்டப் பணிகள் ஆணைக்குழுவின் தலைவருமான டி.மலா்வாலண்டினா தலைமை வகித்து தொடக்கி வைத்தாா். தலைமை குற்றவியல் நீதித்துறை நடுவா் மணிமேகலை முன்னிலை வகித்தாா்.
இதில் நிலுவையிலுள்ள காசோலை, மோட்டாா் வாகன விபத்து, ஜெயங்கொண்டம் நிலம் கையகப்படுத்துதல், சிவில் என 3,625 வழக்குகள் விசாரணைக்கு எடுக்கப்பட்டு, அதில் 941 வழக்குகள் முடிக்கப்பட்டு ரூ.4,80,60,296-க்கு தீா்வு காணப்பட்டது.
ஏற்பாடுகளை அரியலூா் மாவட்ட சட்டப்பணிகள் ஆணை குழுவின் செயலரும், சாா்பு நீதிபதியுமான ஆா்.ராதாகிருஷ்ணன் மற்றும் சட்டப் பணிகள் ஆணைக்குழுவின் ஊழியா்கள், வழக்குரைஞா்கள் ஆகியோா் செய்திருந்தனா்.
