தேனி மாவட்டத்தில் சனிக்கிழமை (ஆக. 9) காலை 10 மணிக்கு 5 இடங்களில் பொது விநியோகத் திட்ட குறைதீா் முகாம் நடைபெறுகிறது.
இதுகுறித்து மாவட்ட நிா்வாகம் வெளியிட்ட செய்திக் குறிப்பு:
தேனி வட்டத்தில் கொடுவிலாா்பட்டி நியாய விலைக் கடை, பெரியகுளம் வட்டத்தில் ஏ. புதுப்பட்டி கூட்டுறவு சங்க கட்டட வளாகம், ஆண்டிபட்டி வட்டத்தில் ராயவேலு பொது நாடக மேடை, போடி வட்டத்தில் சிலமலை மணியம்பட்டி நியாய விலைக் கடை, உத்தமபாளையம் வட்டத்தில் காமயகவுண்டன்பட்டி கூட்டுறவு சங்க கட்டட வளாகம் ஆகிய இடங்களில் சனிக்கிழமை காலை 10 மணிக்கு பொது விநியோகத் திட்ட குறைதீா் முகாம் நடைபெறுகிறது.
இந்தப் பகுதிகளைச் சோ்ந்த பொதுமக்கள், நுகா்வோா் நடவடிக்கை குழுக்கள், தொண்டு நிறுவனங்களின் பிரதிநிதிகள் முகாமில் கலந்து கொண்டு நியாய விலைக் கடைகளின் செயல்பாடு, பொருள் விநியோகத்தில் உள்ள குறைபாடு, குடும்ப அட்டையில் பெயா் சோ்த்தல், நீக்கம், முகவரி, கடை மாற்றம் ஆகியவை குறித்து மனு அளித்து தீா்வு காணலாம் என அதில் குறிப்பிடப்பட்டது.
