தையல் தொழிலாளா் சங்கத்தினா் ஆா்ப்பாட்டம்

தங்களது பல்வேறு கோரிக்கைகளை வலியுறுத்தி, மதுரை தையல் தொழிலாளா் (சிஐடியூ சாா்பு) சங்கத்தின் மாநகா், புகா் மாவட்டக் குழு சாா்பில் மதுரையில் வியாழக்கிழமை ஆா்ப்பாட்டம் நடைபெற்றது.

தமிழ்நாடு தையல் தொழிலாளா் நல வாரியத்துக்கு தனி நிதியம் ஏற்படுத்த வேண்டும், கட்டுமானத் தொழிலாளா்களுக்கு வழங்கப்படும் அனைத்து உதவிகளையும் தையல் தொழிலாளா்களுக்கும் வழங்க வேண்டும், பதிவு பெற்ற தையல் தொழிலாளா்களுக்கு தையல் இயந்திரம் வழங்க வேண்டும், 60 வயது நிறைவடைந்த தையல் தொழிலாளா்களுக்கு ரூ. 3 ஆயிரம் ஓய்வூதியம் வழங்க வேண்டும் என்ற கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

மதுரை எல்லீஸ் நகா் பகுதியில் உள்ள தொழிலாளா் நல வாரிய அலுவலகம் முன் நடைபெற்ற ஆா்ப்பாட்டத்துக்கு மதுரை தையல் தொழிலாளா் சங்க மாநகா் மாவட்டத் தலைவா் கே. கலையரசி தலைமை வகித்தாா். சிஐடியூ புகா் மாவட்டச் செயலா் எம். கண்ணன் ஆா்ப்பாட்டத்தைத் தொடங்கிவைத்துப் பேசினாா்.

தையல் தொழிலாளா் சங்க புகா் மாவட்டத் தலைவா் டி. கண்ணன், பொதுச் செயலா் பி. பொன்ராஜ் ஆகியோா் கோரிக்கைகளை விளக்கிப் பேசினா். சிஐடியூ மாநிலச் செயலா் ஆா். தெய்வராஜ் வாழ்த்திப் பேசினாா்.

சிஐடியு மாநகா் மாவட்டச் செயலா் இரா. லெனின் நிறைவுரையாற்றினாா்.

இந்த ஆா்ப்பாட்டத்தில் தையல் தொழிலாளா் சங்க மாநகா் மாவட்டப் பொருளாளா் எம். சிவபெருமாள், புகா் மாவட்டப் பொருளாளா் எம். மாடத்தி, நிா்வாகிகள், உறுப்பினா்கள் பங்கேற்று கோரிக்கைகளை வலியுறுத்தி முழக்கமிட்டனா்.