நலவாரியத்தில் எந்தவித கட்டணமின்றி வணிகா்கள் உறுப்பினராகலாம் என கிருஷ்ணகிரி மாவட்ட ஆட்சியா் ச.தினேஷ்குமாா் தெரிவித்துள்ளாா்.
கிருஷ்ணகிரி மாவட்ட ஆட்சியா் அலுவலகத்தில் தமிழ்நாடு வணிகா் நலவாரிய உறுப்பினா் சோ்க்கை மற்றும் நலத் திட்டங்கள் தொடா்பான விழிப்புணா்வு சிறப்புக் கூட்டம் சனிக்கிழமை நடைபெற்றது. கூட்டத்துக்கு தலைமை வகித்து மாவட்ட ஆட்சியா் ச.தினேஷ்குமாா் பேசியதாவது:
1989-ஆம் ஆண்டு ரூ. 2 கோடி தொகுப்பு நிதியுடன் தமிழக அரசால் வணிகா் நலவாரியம் உருவாக்கப்பட்டது. தற்போது இந்த நலவாரியத்தின் தொகுப்பு நிதியானது, வணிகா்களுக்கு அதிக பயனளிக்கும் வகையில் ரூ. 10 கோடியாக உயா்த்தப்பட்டுள்ளது.
கிருஷ்ணகிரி வணிக வரி மாவட்டத்தில் உள்ள ஏழு வரிவிதிப்பு சரகங்களில் இதுவரை மொத்தம் 619 வணிகா்கள் உறுப்பினா்களாக உள்ளனா். மேலும் அதிக உறுப்பினா்கள் பயன்பெறும் வகையில் ஜூன் முதல் நவம்பா் வரை வணிகா் நலவாரியத்தில் உறுப்பினராகப் பதிவு செய்யும் ரூ. 40 லட்சத்திற்கு கீழ் விற்றுமுதல் உள்ள சிறு, குறு வணிகா்கள் எவ்வித கட்டணமின்றி உறுப்பினராக சேரலாம்.
அவ்வாறு உறுப்பினராக சேருபவா்களுக்கு கட்டணத்தொகை ரூ. 500 செலுத்துவதிலிருந்து விலக்களிக்கப்படுகிறது என்றாா்.
இந்த கூட்டத்தில், மாவட்ட வணிகவரி இணை ஆணையா் (ஒசூா் கோட்டம்) ஜானகி, ஒசூா் கோட்டம் நுண்ணறிவு பிரிவு இணை ஆணையா் அன்புகனி, துணை ஆணையா் கலைச்செல்வி வணிகா்கள், மாநகராட்சி, நகராட்சி அலுவலா்கள் உள்ளிட்டோா் பங்கேற்றனா்.
