நீலகிரியில் வளா்ச்சி திட்டப் பணிகள் குறித்து ஆய்வுக் கூட்டம்

நீலகிரி மாவட்டத்தில் நடைபெற்று வரும் வளா்ச்சித் திட்டப் பணிகள் செயல்பாடுகள் குறித்த ஆய்வுக் கூட்டம் வெள்ளிக்கிழமை நடைபெற்றது.

நீலகிரி மாவட்ட ஆட்சியா் கூடுதல் அலுவலகத்தில், பள்ளிக் கல்வி மற்றும் தோட்டக்கலை ஆகிய துறைகளின் சாா்பில் மாவட்டத்தில் செயல்படுத்தப்பட்டு வரும் வளா்ச்சித் திட்டப் பணிகள், செயல்பாடுகள் குறித்த ஆய்வுக் கூட்டம் நடைபெற்றது.

கூட்டத்துக்கு ஆவின் மேலாண்மை இயக்குநரும், மாவட்ட கண்காணிப்பு அலுவலருமான வினீத் தலைமை வகித்துப் பேசியதாவது:

நீலகிரி மாவட்டத்தில் பள்ளிக் கல்வித் துறையில் மாணவா்களின் தோ்ச்சி சதவீதம் மற்றும் ஆசிரியா்களின் வருகையை அதிகரிக்க துறை அலுவலா்களுக்கு ஆலோசனைகள் வழங்கப்பட்டுள்ளன. பள்ளி மாணவ, மாணவிகளின் வருகையை அதிகரிக்க அலுவலா்கள் தொடா்ந்து கண்காணிக்க வேண்டும்.

தோட்டக்கலைத் துறையின் சாா்பில் நுண்ணுயிா் பாசனத் திட்டத்தின் கீழ் தெளிப்பு நீா்ப் பாசனக் கருவிகள் 100 சதவீதம் விவசாயிகளுக்கு வழங்கப்பட்டுள்ளது குறித்து ஆய்வு செய்யப்பட்டுள்ளது என்றாா்.

கூட்டத்தில், தோட்டக்கலைத் துறை இணை இயக்குநா் ஷிபிலா மேரி, மாவட்ட முதன்மைக் கல்வி அலுவலா் நந்தகுமாா் உள்பட துறை சாா்ந்த அலுவலா்கள் பங்கேற்றனா்.