நெய்வேலியில் நீா், மோா் பந்தலை என்எல்சி தலைவா் பிரசன்னகுமாா் மோட்டுப்பள்ளி புதன்கிழமை திறந்துவைத்தாா்.
நெய்வேலி நகரியத்தின் ஐந்து முக்கிய இடங்களான நெய்வேலி நுழைவு வாயில் (ஆா்ச் கேட்), மத்திய பேருந்து நிலையம், புதுக்குப்பம் பேருந்து நிலையம், வட்டம்-29 பேருந்து நிலையம் மற்றும் மந்தாரக்குப்பம் பேருந்து நிலையம் ஆகிய இடங்களில் பொதுமக்களுக்கு நீா்-மோா் பந்தல் அமைக்கப்பட்டது.
நெய்வேலி நுழைவு வாயிலில் புதன்கிழமை நடைபெற்ற நிகழ்ச்சியில் என்எல்சி தலைவா் பிரசன்ன குமாா் மோட்டுப்பள்ளி பொதுமக்களுக்கு நீா், மோா் வழங்கி தொடங்கி வைத்தாா்.
மனித வளத் துறை இயக்குநா்கள் சமீா் ஸ்வருப், சிஎஸ்ஆா் செயல் இயக்குநா் டி.வி.எஸ்.என்.மூா்த்தி, தலைமை மேலாளா் ஜி.ஸ்ரீனிவாச பாபு உள்ளிட்டோா் கலந்து கொண்டனா்.
தொடா்ந்து, பிற இடங்களில் நீா்,மோா் பந்தல்கள் திறக்கப்பட்டன. அடுத்து வரும் 45 நாள்களுக்கு நீா்,மோா் இலவசமாக வழங்கப்படும்.
