பஞ்சாபில் நடந்த கையெறி குண்டு தாக்குதல் சம்பவத்தில் பயங்கரவாத அமைப்பான பப்பா் கல்சா கூட்டாளி கைது

பஞ்சாபில் நடந்த கையெறி குண்டுத் தாக்குதல் சம்பவத்தில் தொடா்புடையாதாகக் கூறப்படும் பப்பா் கல்சா கூட்டாளியான 22 வயது இளைஞா் தில்லியில் கைது தடைசெய்யப்பட்டாா்.

இது குறித்து தில்லி காவல் துணை ஆணையா் (சிறப்புப் பிரிவு) அமித் கௌசிக் கூறியதாவது: பயங்கரவாத அமைப்பான பப்பா் கல்சா இன்டா்நேஷனல் (பிகேஐ) உடன் அவா் தொடா்புடையவா் என்று கூறப்படுகிறது.மேலும், இந்த ஆண்டு தொடக்கத்தில் பஞ்சாபில் உள்ள ஒரு காவல் நிலையத்தில் நடந்த கையெறி குண்டுத் தாக்குதலில் ஈடுபட்டுள்ளாா்.

இந்நிலையில், அமிா்தசரஸில் உள்ள சனங்கே கிராமத்தைச் சோ்ந்த கரண்பீா் (எ) கரண், ஜூலை 26 அன்று குருதாஸ்பூரில் இருந்து சிறப்புப் பிரிவு காவல் நிலையத்தில் பதிவு செய்யப்பட்ட ஆயுதச் சட்டத்தின் கீழ் கைது செய்யப்பட்டுள்ளாா்.

பஞ்சாபின் படாலாவில் உள்ள குய்லா லால் சிங் காவல் நிலையத்தில் கடந்த ஏப்ரல் 7- ஆம் தேதி நடந்த கையெறி குண்டு தாக்குதலில் கரண்பீா் ஒரு முக்கியக் குற்றவாளி ஆவாா். இந்தச் சம்பவம் தற்போது தேசிய புலனாய்வு அமைப்பின் (என்ஐஏ) விசாரணையில் உள்ளது.

கடந்த ஜூலை 22 அன்று இந்தூரைச் சோ்ந்த மற்றொரு குற்றவாளியான ஆகாஷ்தீப் (எ) பாஸ் கைது செய்யப்பட்ட பிறகு விசாரணை தொடங்கியது. விசாரணையின் போது, ஆகாஷ்தீப் கையெறி குண்டுத் தாக்குதலில் தனக்கு தொடா்பு இருப்பதாகவும், பி.கே.ஐ.யுடன் தொடா்புடைய மற்றவா்களின் பெயா்களை அவா் குறிப்பிட்டாா். தாக்குதலுக்கு பொறுப்பேற்கும் ஒரு பதிவு சமூக ஊடகங்களில் வெளியானது.

இதை பி.கே.ஐ. செயல்பாட்டாளா்கள் ஹேப்பி பாசியா, மன்னு அக்வான் மற்றும் கோபி நவன்ஷாரியா ஆகியோா் பகிா்ந்து கொண்டதாகக் கூறப்படுகிறது. ஆகாஷ்தீப்பின் தகவலின் பேரில் கரண்தீப் கைது செய்யப்பட்டாா்.

விசாரணையின் போது, கரண்பீா் வெளிநாட்டில் உள்ள ஒரு பி.கே.ஐ. கையாளுபவருடன் சமூக ஊடகங்கள் மூலம் தொடா்பில் இருந்ததாகவும், பயங்கரவாத நடவடிக்கைகளை மேற்கொள்ள அறிவுறுத்தல்களைப் பெற்றதாகவும் தெரிவித்தாா்.

கடந்த ஆண்டு மேற்கு ஆசிய நாட்டிற்கும் பயணம் செய்து ஏப்ரல் தாக்குதலுக்கு பணம் பெற்ாகவும் அவா் கூறினாா். தாக்குதலுக்கு முந்தைய நாள்களில் தனது வீட்டில் இரண்டு பேருக்கு தங்குமிடம் அளித்ததாக கரண்பீா் கூறினாா்.

சதித்திட்டத்தில் ஈடுபட்ட அவரது சகோதரா் குா்சேவாக் ஏற்கெனவே விசாரணை நிறுவனங்களால் கைது செய்யப்பட்டுள்ளாா் என்று காவல் துணை ஆணையா் தெரிவித்தாா்.