டிடிஇஏ பள்ளி மாணவா்கள் 12 நாள் கல்விச் சுற்றுலா

தில்லித் தமிழ்க் கல்விக் கழகத்தை (டிடிஇஏ) சாா்ந்த ராமகிருஷ்ணாபுரம் மற்றும் லோதி வளாகம் பள்ளிகளில் பயிலும் 46 மாணவா்கள் ஞாயிற்றுக்கிழமை கல்விச் சுற்றுலா புறப்பட்டனா். அவா்களுடன் 7 ஆசிரியா்களும் செல்கின்றனா்.

ஞாயிற்றுக்கியமையன்று சுற்றுலா புறப்பட்டுள்ள இக்குழு தொடா் வண்டி மூலம் முதலில் பெங்களூரு செல்கிறது. அங்கு இஸ்ரோ சென்று அறிவியல் அற்புதங்களைப் பாா்வையிடுகிறது. பின்னா் மைசூா், கூா்க், சேலம், ஏற்காடு ஆகிய இடங்களுக்குச் செல்ல இருக்கிறது. இன்றைய அறிவியல் அற்புதங்களைப் பாா்வையிடும் இக் குழு மைசூரில் சரித்திரப் புகழ் பெற்ற மைசூா் அரண்மனை உள்ளிட்ட இடங்களைப் பாா்வையிட இருக்கிறது.

இக் கல்விச் சுற்றுலாவிற்குச் டிடிஇஏ செயலா் ராஜூ ஏற்பாடு செய்திருந்தாா். அவா் பெரு முயற்சி செய்து ரயில்வே அமைச்சகத்தையும் கல்வி அமைச்சகத்தையும் அணுகி மாணவா்களுக்கு ரயில் கட்டணத்தில் சலுகை கிடைக்க ஏற்பாடு செய்தாா்.

இக் கல்விச் சுற்றுலா குறித்து அவா் கூறுகையில், ‘இச் சுற்றுலா மாணவா்களுக்கு விண்வெளி ஆராய்ச்சியில் ஈடுபாட்டை ஏற்படுத்தும். மேலும் குழுவாக இயங்கும் தன்மையையும், தன்னம்பிக்கையையும் உண்டாக்கும்.

தில்லித் தமிழ்க் கல்விக் கழக வரலாற்றில் முதன்முறையாக கடந்த முறை திருவனந்தபுரம் இஸ்ரோவிற்கு எங்கள் பள்ளி மாணவா்கள் சுற்றுலா சென்று வந்தனா். இப்போது இரண்டாம் முறையாக இங்கு செல்கின்றனா். இது அவா்களின் உலகளாவிய அறிவை விரிவுபடுத்தும். எனவேதான் இப்படிப்பட்ட கல்விச் சுற்றுலாக்களுக்கு ஏற்பாடு செய்து வருகிறோம்’ என்றாா்.