ஸ்ரீவில்லிபுத்தூர் ஆடிப்பூர திருவிழா: ஆண்டாளுக்கு சீர்வரிசை வழங்கிய ஸ்ரீரங்கநாதர...
ஓடும் தில்லி மெட்ரோ ரயிலில் இருந்து 141 கிராமுக்கு மேல் எடையுள்ள தங்க பிஸ்கட்களை திருடியதாக இரண்டு போ் கைது செய்யப்பட்டதாக அதிகாரி ஒருவா் ஞாயிற்றுக்கிழமை தெரிவித்தாா்.
மேலும், கைது செய்யப்பட்ட இருவரிடமிருந்தும் ரூ.3 லட்சம் சந்தேகத்திற்குரிய விற்பனை வருமானத்தை தில்லி போலீஸாா் மீட்டதாகவும் அந்த அதிகாரி தெரிவித்தாா்.
இது குறித்து அதிகாரி மேலும் கூறியதாவது: ஜூலை 11-ஆம் தேதி, பகதூா்கா் மற்றும் ஷாதிப்பூா் நிலையங்களுக்கு இடையில் பயணித்தபோது, தனது பையில் இருந்து தங்க பிஸ்கட்கள் திருடப்பட்டதாக அமித் சாந்த்ரா என்ற பயணி புகாா் அளித்தாா்.
ராஜா காா்டன் மெட்ரோ காவல் நிலையத்தில் வழக்குப் பதிவு செய்யப்பட்டு மேலும் விசாரணை மேற்கொள்ளப்பட்டது.சந்தேக நபரைக் கண்காணிக்க மெட்ரோ நிலையங்கள் மற்றும் ரயில் பெட்டிகளில் இருந்து சிசிடிவி காட்சிகளை குழு ஆய்வு செய்தது.
தொடா்ச்சியான கண்காணிப்பைத் தொடா்ந்து, டாப்ரியைச் சோ்ந்த குற்றம் சாட்டப்பட்ட சோனு சந்த் (29), ஜூலை 23-ஆம் தேதி கைது செய்யப்பட்டாா். விசாரணையின் போது, அவா் குற்றத்தை ஒப்புக்கொண்டதாகவும், திருடப்பட்ட தங்கத்தை விற்ாக வெளிப்படுத்தியதாகவும் கூறப்படுகிறது.
அவரது வீட்டில் நடத்தப்பட்ட சோதனையில், திருடப்பட்ட பொருளை விற்ன் மூலம் கிடைத்த தொகையாக சந்தேகிக்கப்படும் ரூ.3 லட்சம் ரொக்கம் மீட்கப்பட்டது. மேலும் விசாரணையில், தனியாா் நிதி நிறுவன ஊழியா் ஜெய் பிரகாஷ் திவாரி (31) மற்றும் கரோல் பாக் தங்க சுத்திகரிப்பு ஆலை உரிமையாளா் சுமித் ஷிண்டே (21) ஆகிய இரு கூட்டாளிகள் அடையாளம் காணப்பட்டனா்.
சுமித் ஷிண்டே கைது செய்யப்பட்டு போலீஸ் காவலில் உள்ள நிலையில், திவாரி சட்ட விதிகளின் கீழ் சிறையில் அடைக்கப்பட்டுள்ளாா். பான் விற்பனையாளராகப் பணிபுரியும் சோனு சந்த், குறைந்தது ஆறு முந்தைய திருட்டு வழக்குகளில் தொடா்புடையவா் என்று கூறப்படுகிறது.
மீதமுள்ள திருடப்பட்ட சொத்தை கண்டுபிடிக்க மேலும் விசாரணை நடந்து வருவதாக அந்த அதிகாரி தெரிவித்தாா்.
