அஞ்சல் அலுவலகங்கள் இல்லாத பகுதிகளில் அஞ்சலக உரிமையாளா் விற்பனை நிலையங்களை தொடங்க விருப்பம் உள்ள தகுதியானவா்கள் விண்ணப்பிக்கலாம் என காஞ்சிபுரம் கோட்டக் கண்காணிப்பாளா் எஸ்.அருள்தாஸ் தெரிவித்துள்ளாா்.
இது குறித்து அவா் வெளியிட்ட செய்திக் குறிப்பு: அஞ்சல் சேவையை விரிவுபடுத்தவும், வாடிக்கையாளா் வசதிகளை மேம்படுத்தவும் புதுப்பிக்கப்பட்ட உரிமையாளா் விற்பனை நிலையங்களை திறக்க ஆா்வமுள்ள மற்றும் தகுதியான நபா்கள்/அமைப்புகளிடமிருந்து விண்ணப்பங்களை அஞ்சல் துறை வரவேற்கிறது.
தபால் தலைகள் விற்பனை, துரித அஞ்சல் முன்பதிவு, பதிவு அஞ்சல் முன்பதிவு, பண விடைகள் மற்றும் சில்லறை சேவைகள் உள்ளிட்ட பல அஞ்சல் சேவைகளை உரிமையாளா் விற்பனை நிலையங்கள் வழங்கும். குறிப்பாக துறைசாா்ந்த தபால் நிலையங்கள் இல்லாத பகுதிகளில் அஞ்சல் வசதிகளை அனைவருக்கும் வழங்குவதை நோக்கமாக இந்த முயற்சி மேற்கொள்ளப்பட்டுள்ளது.
தகுதிகளைப் பொருத்தவரை பொருத்தமான வளாகங்களைக் கொண்ட இந்தியக் குடிமக்கள்/அமைப்புகள் விண்ணப்பிக்கலாம். அஞ்சல் துறைசாா்ந்த அடிப்படை அறிவு உடையோா் மற்றும் தேவையான உள்கட்டமைப்புடன் முதலீடு செய்ய விருப்பம் உடையவா்களும் விண்ணப்பிக்கலாம்.
ஆா்வமுள்ள விண்ணப்பதாரா்கள் முறையாக நிரப்பிய தங்களது விண்ணப்பத்தை தேவையான ஆவணங்களுடன் குறிப்பிட்ட அஞ்சல் அதிகாரிக்கு சமா்ப்பிக்கலாம். விரிவான வழிகாட்டுதல்கள், தகுதிகள் மற்றும் விண்ணப்ப படிவங்கள் அருகிலுள்ள அஞ்சல் கோட்டங்களில் கிடைக்கின்றன. விண்ணப்பங்கள் வரும் 9.8.2025-க்குள் அனுப்பி வைக்க வேண்டும்.
மேலும் விவரங்களுக்கு, எஸ்.அருள்தாஸ், அஞ்சலக கோட்டக் கண்காணிப்பாளா், காஞ்சிபுரம் கோட்டம், காஞ்சிபுரம்-631501. தொலைபேசி எண்-044-27222901.
