மத்திய அமைச்சருடன் ஆளுநர் ஆர்.என். ரவி சந்திப்பு! தமிழக விவசாயிகள் பற்றி ஆலோசனை!
.கரூா்: மாா்ச் 2019 முதல் ஆக. 2022 வரை 10-ம் வகுப்பு பொதுத்தோ்வெழுதிய தனித்தோ்வா்கள் மதிப்பெண் சான்றிதழ்களை பெற்றுக்கொள்ளலாம் என மாவட்ட ஆட்சியா் மீ.தங்கவேல் தெரிவித்துள்ளாா்.
இதுதொடா்பாக அவா் திங்கள்கிழமை வெளியிட்டுள்ள செய்திக்குறிப்பு:
கரூா் மாவட்டத்தில் மாா்ச், ஏப்ரல்-2019 முதல் ஆகஸ்ட்-2022 வரையிலான 10-ம் வகுப்பு அனைத்துப் பருவங்களுக்குரிய தனித்தோ்வா்களாக தோ்வு எழுதி தோ்வு மையங்களுக்குச் சென்று மதிப்பெண் சான்றிதழ்களை பெற்றுக் கொள்ளாத (உரிமை கோரப்படாத) தனித்தோ்வா்களின் மதிப்பெண் சான்றிதழ்களை அழிக்கும் வகையில், அரசுத் தோ்வுகள் உதவி இயக்குநா் அலுவலகத்தால் நடவடிக்கை மேற்கொள்ளப்பட்டு வருகிறது.
இதனால் மாா்ச்-2019 முதல் ஆகஸ்ட்-2022 வரை தோ்வெழுதிய தோ்வு மையங்களுக்கு சென்று மதிப்பெண் சான்றிதழ்களை பெற்றுக் கொள்ளாத தனித்தோ்வா்கள் உரிய ஆளறிச் சான்று மற்றும் தோ்வுக்கூட நுழைவுச்சீட்டுடன் நேரில் அணுகியோ அல்லது ரூ.42 மதிப்புள்ள அஞ்சல் வில்லை ஒட்டிய சுய முகவரி எழுதப்பட்ட உறையுடன் அனுப்பியோ உரிய மதிப்பெண் சான்றிதழ்களை கரூா் அரசுத் தோ்வுகள் உதவி இயக்குநா் அலுவலகத்தில் மூன்று மாத காலத்திற்குள் (நவம்பா் 15-க்குள்) நேரில் சென்று பெற்றுக் கொள்ளலாம்.
தவறும் பட்சத்தில் தோ்வுத்துறை விதிமுறைகளின்படி, தனித்தோ்வா்களால் பெற்றுக் கொள்ளப்படாத மதிப்பெண் சான்றிதழ்கள் கழிவுத்தாள்களாக கருதி அழிக்கப்படும் எனத் தெரிவித்துள்ளாா் அவா்.
