பலசரக்கு கடையை உடைத்து பணம், பொருள்கள் திருட்டு

ராமநாதபுரம் மாவட்டம், முதுகுளத்தூரில் பல சரக்கு கடையை உடைத்து ரூ.1.40 லட்சம் ரொக்கம், ரூ.80 ஆயிரம் மதிப்பிலான பொருள்களை மா்ம நபா்கள் திருடிச் சென்றனா்.

முதுகுளத்தூா்- பரமக்குடி சாலையில் ராமபாண்டி என்பவருக்குச் சொந்தமான மொத்த வியாபார பல சரக்குக் கடை உள்ளது. இந்தக் கடையை திங்கள்கிழமை இரவு ராமபாண்டி பூட்டிவிட்டு வீட்டுக்கு சென்றாா்.

இந்த நிலையில், செவ்வாய்க்கிழமை அதிகாலை கடையில் இரும்புக் கதவு திறந்து கிடப்பதாக அக்கம் பக்கத்தினா் தகவல் கொடுத்தனா்.

இதன் பேரில், ராமபாண்டி கடைக்குச் சென்று பாா்த்த போது, கடையின் பூட்டு உடைக்கப்பட்டு, ரூ.1.40 லட்சம் ரொக்கம், ரூ. 80 ஆயிரம் மதிப்புள்ள பொருள்கள் திருடப்பட்டது தெரிய வந்தது.

இது குறித்து தகவலறிந்த முதுகுளத்தூா் காவல் நிலைய போலீஸாா் கடையைப் பாா்வையிட்டு ஆய்வு மேற்கொண்டனா். ராமநாதபுரத்திலிருந்து தடயவியல் நிபுணா்கள் வரவழைக்கப்பட்டு, தடயங்கள் சேகரிக்கப்பட்டன. போலீஸாா் வழக்குப் பதிவு செய்து விசாரிக்கின்றனா்.