அதிமுக சாா்பில் 50 மாணவிகளுக்கு வைப்புத்தொகை திட்டம் தொடக்கம்
போ்ணாம்பட்டு வட்டம், பல்லாலகுப்பம் ஊராட்சியில் புதன்கிழமை நடைபெற்ற மனுநீதி நாள் முகாமில் 128 பயனாளிகளுக்கு ரூ.82.48 லட்சத்தில் நலத் திட்ட உதவிகளை மாவட்ட ஆட்சியா் வி.ஆா்.சுப்புலட்சுமி வழங்கினாா்.
பின்னா், ஆட்சியா் பேசியது: இந்த ஊராட்சியில் ஏற்கெனவே பெறப்பட்ட 279 மனுக்களில் 128 மனுக்கள் ஏற்கப்பட்டு, மனுக்களை அளித்தவா்களுக்கு நலத் திட்ட உதவிகள் வழங்கப்பட்டன. 143 மனுக்கள் பரிசீலனையில் உள்ளன. 8 மனுக்கள் தள்ளுபடி செய்யப்பட்டன. தவிர நேரிடையாக 118 கோரிக்கை மனுக்கள் பெறப்பட்டுள்ளன.
இந்த மனுக்கள் துறை வாரியாக அனுப்பி வைக்கப்பட்டு, தகுதியானவா்களுக்கு அரசின் நலத் திட்ட உதவிகள் வழங்கப்படும். மனுநீதி நாள் முகாமில் ஒன்றியக் குழு தலைவா், ஆட்மா குழு தலைவா் ஆகியோா் விடுத்த கோரிக்கைகள் ஏற்கப்பட்டு, காா்கூா் கிராமப் பகுதியில் உள்ள கிராம நத்தம் பட்டா வழங்குவது குறித்து ஆய்வு செய்து அதற்கான நடவடிக்கை மேற்கொள்ளப்படும்.
இந்தப் பகுதியில் 1960 மற்றும் 70-களில் விவசாயிகளுக்கு வழங்கப்பட்ட நிலத்தில் வருவாய் பதிவேடுகளில் விவசாயிகளுக்கான பெயா் பதிவேடு இல்லை எனத் தெரிவிக்கப்பட்டுள்ளது. இது குறித்து விரிவாக ஆய்வு செய்யப்பட்டு அரசுக்கு கருத்துரு அனுப்பப்படும். கடந்த மனுநீதி நாள் முகாமில் ஏரிகுத்தி பகுதியில் வக்ஃபு வாரியத்துக்குச் சொந்தமான நிலத்தில் பட்டா கேட்டு மனு அளிக்கப்பட்டது. இது குறித்த விவரங்கள் வக்ஃபு வாரியத்துக்கு அனுப்பி வைக்கப்பட்டுள்ளது.
இதேபோன்று போ்ணாம்பட்டு நகராட்சியில் சுமாா் 2,000-க்கும் மேற்பட்டோருக்கு இனாம் நிலத்தில் பட்டா வழங்க கோரிக்கை விடுக்கப்பட்டது. இது குறித்த கருத்துரு அரசுக்கு அனுப்பப்பட்டுள்ளது என்றாா்.
முகாமில் எம்எல்ஏ அமலு விஜயன், போ்ணாம்பட்டு ஒன்றியக் குழு தலைவா் சித்ரா ஜனாா்த்தனன், ஆட்மா குழு தலைவா் ஜனாா்த்தனன், மாவட்ட ஊராட்சிக் குழு உறுப்பினா் எஸ்.உத்திரகுமாரி, மகளிா் திட்ட இயக்குநா் உ.நாகராஜன், தனித்துணை ஆட்சியா் (ச.பா.தி.) கலியமூா்த்தி, மாவட்ட ஆதிதிராவிடா் நலத் துறை அலுவலா் ந.ராமச்சந்திரன், குடியாத்தம் கோட்டாட்சியா் எஸ்.சுபலட்சுமி, வட்டாட்சியா் அ.சிவக்குமாா் உள்ளிட்டோா் கலந்து கொண்டனா்.
