பல் மருத்துவா் வீட்டில் ரூ.3 லட்சம் நகைகள் திருட்டு

திருவண்ணாமலை மாவட்டம், செய்யாறு அருகே பல் மருத்துவா் வீட்டில் ரூ.3 லட்சம் மதிப்பிலான தங்க நகைகள் திருடப்பட்டன.

செய்யாறு வட்டம், அனக்காவூா் கிராமத்தைச் சோ்ந்தவா் நெப்போலியன். இவா், செய்யாறு பகுதியில் பல் மருத்துவமனை நடத்தி வருகிறாா்.

இவா், புதன்கிழமை தனது அக்கா கீதாஞ்சலி வீட்டில் இருந்து வரும் தாய் சுந்தரியை பாா்ப்பதற்காக கீழ்மட்டை கிராமத்துக்குச் சென்றாராம்.

இந்த நிலையில், வீட்டில் இருந்த அவரது தந்தை சுப்பிரமணியன் வீட்டை பூட்டிக் கொண்டு மேல் மாடியில் தூங்கச் சென்றாராம். மறுநாள் அவா் கீழே வந்து வீட்டை திறக்க முற்பட்டபோது, வீட்டின் முன் கதவு உள்தாழ்பாள் போட்டிருந்ததால் திறக்க முடியவில்லை.

உடனே வீட்டின் பின்புறம் சென்று பாா்த்த போது, கதவு உடைக்கப்பட்டு இருந்தது. வீட்டினுள் சென்று பாா்த்த போது, பீரோவை உடைத்து அதில் இருந்த ரூ.5 ஆயிரம், ரூ. 3 லட்சம் மதிப்பிலான தங்கம், வெள்ளி நகைகளை மா்ம நபா்கள் திருடிச் சென்றது தெரிய வந்தது.

இதுகுறித்து நெப்போலியன் அனக்காவூா் போலீஸில் புகாா் அளித்தாா். காவல் ஆய்வாளா் ஜீவராஜ் மணிகண்டன் வழக்குப் பதிந்து விசாரணை நடத்தி வருகிறாா்.