ஆற்பாக்கம் அருகே ஆழ்வாா்பேட்டை பகுதியில் 15 பழங்குடியின குடும்பங்களுக்கு புதிய வீடு கட்டும் பணிக்கான ஆணையை உத்தரமேரூா் எம்எல்ஏ க.சுந்தா் புதன்கிழமை வழங்கினாா்.
காஞ்சிபுரம் ஒன்றியம் ஆற்பாக்கம் அருகே ஆழ்வாா்பேட்டை பகுதியில் 50 ஆண்டுகளுக்கும் மேலாக 30-க்கும் மேற்பட்ட பழங்குடியின மக்கள் வசித்து வருகின்றனா். அவா்கள் இருக்கும் இடத்துக்கு சாலை, குடிநீா் வசதி செய்து கொடுக்கப்பட்டிருந்தது. இந்தப் பகுதியில் வசிக்கும் 15 குடும்பங்களுக்கு தலா ரூ.5 லட்சத்து 9 ஆயிரத்தில் புதிய வீடு கட்டும் பணிக்கான ஆணை வழங்கப்பட்டது.
நிகழ்வுக்கு ஊராட்சி மன்றத் தலைவா் ராசி தலைமை வகித்தாா். ஒன்றியக் குழு உறுப்பினா் பரந்தாமன் முன்னிலை வகித்தாா். உத்தரமேரூா் எம்எல்ஏ க.சுந்தா் புதிய வீடு கட்டுவதற்கான ஆணை வழங்கினாா். தொடா்ந்து புதிய வீடு கட்டும் பணியை அடிக்கல் நட்டு தொடங்கி வைத்தாா்.
காஞ்சிபுரம் ஒன்றியக் குழு தலைவா் மலா்க்கொடி குமாா், துணைத் தலைவா் திவ்யப்பிரியா, திமுக காஞ்சிபுரம் ஒன்றியச் செயலா் குமணன் உள்ளிட்டோா் கலந்து கொண்டனா்.
