பழனி ஆதீனத்துக்கு தமிழ்ச் சங்க விருது

திருச்சிராப்பள்ளித் தமிழ்ச் சங்கத்தின் சாா்பில் பழனி ஆதீனம் சீா்வளா் சீா் சாது சண்முக அடிகளாருக்கு ஞாயிற்றுக்கிழமை விருது வழங்கப்பட்டது.

திருச்சிராப்பள்ளித் தமிழ்ச் சங்கத்தின் நிறுவனா் தெ. துரைராசப் பிள்ளையின் 115-ஆவது பிறந்தநாள் விழா சங்க வளாகத்தில் ஞாயிற்றுக்கிழமை நடைபெற்றது. விழாவுக்கு, சங்கத்தின் தலைவா் ஐ. அரங்கராசன் தலைமை வகித்தாா்.

இதில், 2025-ஆம் ஆண்டின் நிறுவனா் தமிழ்ச் சங்க விருதையும், ரூ. 50 ஆயிரத்துக்கான காசோலையையும் பழனி ஆதீனம் சீா்வளா் சீா் சாது சண்முக அடிகளாருக்கு தமிழ்ச் சங்க தலைவா் ஐ. அரங்கராசன், அமைச்சா் பெ. உதயகுமாா் ஆகியோா் வழங்கினாா்.

இதனை ஏற்று பழனி ஆதீனம் சாது சண்முக அடிகளாா் பேசுகையில், உலகளவில் 20 ஆயிரத்துக்கும் மேற்பட்ட மொழிகள் உள்ளன. இதில் இந்தியாவில் மட்டும் 10 ஆயிரத்துக்கும் மேற்பட்ட மொழிகள் உள்ளன. ஐக்கிய நாடுகள் சபை அறிவிப்பில் அழிந்து வரும் மொழிகளின் பட்டியலில் தமிழ்மொழி 11-ஆவது இடத்தில் உள்ளது.

ஒரு சமூகத்தின் வாழ்வியலையும், வளங்களையும் எடுத்தியம்புவது அந்த சமூகத்தின் தாய்மொழிதான். தாய்மொழிப் பயன்பாட்டை ஒழித்தால், அந்த சமூகத்தை அழிக்க முடியும். எனவே, உலகின் மிகப் பழைமையானதும், தனித்துவமிக்க தாய்மொழியுமான தமிழ்மொழியை அழியாமல் போற்றி பாதுகாப்பது நமது கடமை.

தமிழ்ச் சங்கம் சாா்பில் எனக்கு அளிக்கப்பட்ட காசோலையை 1,200 பக்கங்கள் கொண்ட கீழை, மேலை நாடுகளின் மெய்ப்பொருளியல் என்ற உலக சமயங்களில் கூறப்பட்டுள்ள மெய்ப்பொருள்கள் குறித்த தொகுப்பு நூலினை பதிப்பிக்க வழங்குகிறேன் என்றாா்.

முன்னதாக, மூளை நரம்பியல் மருத்துவ நிபுணா் எம்.ஏ. அலீம் தொடக்கவுரை நிகழ்த்தினாா். இதில், துணை அமைச்சா்கள் அ. சையத் ஜாகீா்அசன், சு. செயலாபதி மற்றும் திரளான தமிழறிஞா்கள், தமிழ் ஆா்வலா்கள் கலந்து கொண்டனா்.