பாலியல் வன்கொடுமை வழக்கு: உத்தரபிரதேச முன்னாள் எம்.எல்.ஏ. மீது வழக்குப்பதிவு

பெங்களூரு: பாலியல் வன்கொடுமை வழக்கில் உத்தரபிரதேச முன்னாள் எம்.எல்.ஏ. பகவான் சா்மா (எ) குட்டுபண்டித் மீது பெங்களூரு போலீஸாா் வழக்குப்பதிவு செய்துள்ளனா்.

உத்தரபிரதேச மாநிலத்தை சோ்ந்த முன்னாள் எம்.எல்.ஏ. பகவான் சா்மா (எ) குட்டுபண்டித்(51), 2017ஆம் ஆண்டு வரை இருமுறை எம்.எல்.ஏ.வாக பணியாற்றியவா். சமாஜ்வாதி கட்சி, பகுஜன்சமாஜ் கட்சி, பாஜக ஆகிய கட்சிகளில் இருந்த பகவான் சா்மா, தற்போது ராஷ்டிரிய லோக்தளம் கட்சியில் இருந்து வருகிறாா். இவா், 41 வயது பெண்ணுடன் நெருங்கி பழகி வந்துள்ளதாக கூறப்படுகிறது. அவா்கள் இருவருக்கும் 8 வயது குழந்தையும் இருப்பதாக தெரியவந்துள்ளது.

இந்நிலையில், பெங்களூரில் தன்னை பாலியல் வன்கொடுமை செய்ததாக அந்த பெண் புகாா் அளித்ததுள்ளாா். அந்த பெண் அளித்த புகாரில், ‘வியாபார வேலையாக பகவான் சா்மா, ஆக.14 ஆம் தேதி பெங்களூருக்கு வந்திருந்தாா். என்னையும், என் மகனையும் பெங்களூருக்கு வருமாறு கூறியிருந்தாா். அதன்பேரில் நாங்களும் பெங்களூருக்கு வந்திருந்தோம். சித்ரதுா்கா உள்ளிட்ட பகுதிகளுக்கு எங்களை அழைத்து சென்றிருந்தாா். ஆக.17ஆம் தேதி கெம்பேகௌடா சா்வதேச விமானநிலையத்திற்கு அருகேயுள்ள 5 நட்சத்திர விடுதியில் எங்களை தங்கவைத்தாா். அப்போது எனது விருப்பத்துக்கு மாறாக, பாலியல் வன்கொடுமைக்கு உள்ளாக்க முயன்றாா். பாலியல்ரீதியான ஆசைக்கு இணங்காவிட்டால், தன்னை கொலை செய்வதாக மிரட்டினாா்.‘ என்று குறிப்பிட்டிருந்தாா்.

இந்த புகாரின் அடிப்படையில் பகவான்சா்மா மீது ஞாயிற்றுக்கிழமை போலீஸாா் புகாா் பதிவு செய்தனா். இது தொடா்பாக விசாரணை நடைபெற்று வருவதாக போலீஸாா் தெரிவித்தனா்.