மகா கும்பமேளாவையொட்டி, கேரள மாநிலம் திருவனந்தபுரத்தில் இருந்து உத்தர பிரதேச மாநிலம் வாரணாசிக்கு சிறப்பு ரயில் இயக்கப்படுவதாகத் தெரிவிக்கப்பட்டுள்ளது.
உத்தர பிரதேச மாநிலம், பிரயாக்ராஜில் உள்ள திரிவேணி சங்கமத்தில் ஜனவரி 13 முதல் பிப்ரவரி 26-ஆம் தேதி வரை மகா கும்பமேளா நடைபெற உள்ளது. இதையொட்டி, திருவனந்தபுரம் - வாரணாசி இடையே கோவை வழித்தடத்தில் சிறப்பு ரயில் இயக்கப்படுகிறது.
அதன்படி, பிப்ரவரி 18, 25 ஆகிய செவ்வாய்க்கிழமைகளில் பிற்பகல் 2 மணிக்கு திருவனந்தபுரத்தில் இருந்து புறப்படும் திருவனந்தபுரம்- வாரணாசி சிறப்பு ரயில் (எண்: 06007) வியாழக்கிழமைகளில் இரவு 9.50 மணிக்கு வாரணாசி ரயில் நிலையத்தைச் சென்றடையும்.
மறுமாா்க்கத்தில், பிப்ரவரி 21, 28 ஆகிய வெள்ளிக்கிழமைகளில் மாலை 6.05 மணிக்கு வாரணாசியில் இருந்து புறப்படும் வாரணாசி- திருவனந்தபுரம் சிறப்பு ரயில் (எண்: 06008) ஞாயிற்றுக்கிழமைகளில் இரவு 11.55 மணிக்கு திருவனந்தபுரம் ரயில் நிலையத்தைச் சென்றடையும்.
இந்த ரயிலானது, கொல்லம், காயன்குளம், மாவேலிக்கரை, செங்கண்ணூா், திருவல்லா, கோட்டயம், எா்ணாகுளம் டவுன், ஆலுவா, திருச்சூா், பாலக்காடு, கோவை, திருப்பூா், ஈரோடு, சேலம், ஜோலாா்பேட்டை, காட்பாடி, அரக்கோணம், பெரம்பூா், கூடூா், நெல்லூா், ஓங்கோல், தெனாலி, விஜயவாடா, வரங்கல், ஜபல்பூா், மானிக்பூா், மிா்ஸாபூா் உள்ளிட்ட ரயில் நிலையங்களில் நின்று செல்லும் என அதில் தெரிவிக்கப்பட்டுள்ளது.
