கரும்பு நிலுவைத் தொகையை அரசே வழங்க நடவடிக்கை: விவசாயிகள் வலியுறுத்தல்
கடலூா் மாவட்டம், விருத்தாசலம் வட்டம், மணவாளநல்லூா் கிராமம் அருகில் மணிமுக்தாற்றின் குறுக்கே ரூ.25.20 கோடியில் தடுப்பணை கட்டும் பணியை ஆட்சியா் சிபி ஆதித்யா செந்தில்குமாா் சனிக்கிழமை பாா்வையிட்டு ஆய்வு செய்தாா்.
அப்போது, ஆட்சியா் கூறியதாவது: விருத்தாசலம் வட்டத்தில் உள்ள விவசாய நிலங்கள் மற்றும் குடிநீா் பற்றாக்குறை ஆகியவற்றை மேம்படுத்தும் நோக்கில் நபாா்டு வங்கி நிதி உதவி ரூ.25.20 கோடியில் மணிமுக்தாற்றின் குறுக்கே தடுப்பணை கட்டும் பணி நடைபெற்று வருகிறது. இதில், 60 சதவீத பணிகள் முடிவடைந்துள்ள.
தடுப்பணை 114 மி.கனஅடி கொள்ளளவுடன், 223.00 மீட்டா் நீளம் மற்றும் 1.25 மீட்டா் உயரத்துடன் கட்டப்படுகிறது. தடுப்பணையின் அதிகபட்ச வெள்ளநீா் வெளியேற்றம் வினாடிக்கு 90,113 கன அடி ஆகும். மேலும், 2.10 மீட்டா், 1.25 மீட்டா் அளவில் தலா மூன்று மணற்போக்கிகள் அமைக்கப்படுகிறது.
இந்த தடுப்பணையின் மூலம் மணவாளநல்லூா், எறுமனூா், கோமங்கலம், ராசாபாளையம், மணலூா் உள்ளிட்ட கிராமங்களை சோ்ந்த சுமாா் 2,400 போ் மற்றும் விவசாயிகள் பயன்பெறுவா். மேலும், 222 எண்ணிக்கையிலான ஆழ்குழாய் கிணறுகளின் மூலம் 1157.89 ஹெக்டோ் பரப்பளவிலான விவசாய நிலங்கள் பாசன வசதி பெறும்.
இதேபோல, விருத்தாசலம் வட்டம், எடையூா் கிராமம் முதல் காா்மாங்குடி காப்பு காடு வரை ரூ.18.74 கோடியில் வெள்ள நீா் வடிகால் வாய்க்கால் அமைக்கும் பணி ஆய்வு செய்யப்பட்டது. இந்த வடிகால் வாய்க்கால் மூலம் எடையூா், மன்னம்பாடி, முகுந்தநல்லூா் உள்ளிட்ட 8 கிராமங்களைச் சோ்ந்த சுமாா் 1,250 ஹெக்டோ் அளவிலான விளை நிலங்கள் மற்றும் கால்நடைகள் வெள்ள பாதிப்பிலிருந்து பாதுகாக்கப்படும் என்றாா். ஆய்வின்போது, நீா்வளத்துறை செயற்பொறியாளா் அருணகிரி, அரசு அதிகாரிகள், விவசாயிகள் உடனிருந்தனா்.
