திருவள்ளூா் அருகே மதுக்கடை மேற்பாா்வையாளா் மீது தாக்குதல் நடத்திய இளைஞரை போலீஸாா் கைது செய்தனா்.
திருவள்ளூா் அருகே தாமரைப்பாக்கம் கிராமத்தில் அரசு மதுபானக் கடை உள்ளது. சூளைமேனியைச் சோ்ந்த உமாபதி மேற்பாா்வையாளராக பணியாற்றி வருகிறாா். இந்த நிலையில், வெள்ளிக்கிழமை விற்பனையில் ஈடுபட்டிருந்தாா்.
அப்போது, கொமக்கம்பேடு இந்திரா நகரைச் சோ்ந்த மணிகண்டன் (37), பணம் கொடுக்காமல் மதுபானம் கேட்டாராம். இதையடுத்து, அவா் தர மறுக்கவே கடைக்குள் புகுந்து மேற்பாா்வையாளா் மீது தாக்குதல் நடத்தியதாகத் தெரிகிறது.
இதில், பலத்த காயமடைந்த மேற்பாா்வையாளுடன் ஆரம்ப சுகாதார நிலையத்துக்கு அனுப்பி வைத்தனா். இதுகுறித்து, உமாபதி வெங்கல் காவல் நிலையத்தில் அளித்த புகாரின்பேரில், வழக்குப் பதிந்து போலீஸாா் மணிகண்டனை கைது செய்தனா்.
