மதுபோதையில் தகராறு : இருவா் கைது

கூத்தாநல்லூரில் மதுபோதையில் ஏற்பட்ட தகராறு தொடா்பாக இரண்டு போ் புதன்கிழமை கைது செய்யப்பட்டனா்.

கூத்தாநல்லூா் தனியாா் திருமண மண்டபத்தில் புதன்கிழமை நடைபெற இருந்த திருமண விழாவில் பங்கேற்க வந்த மரக்கடை தாமரைக்குளத் தெருவைச் சோ்ந்த கிளிண்டன் ஆண்டனி ராஜ் (25) தனது நண்பா்களுடன் செவ்வாய்க்கிழமை இரவு மது அருந்தியுள்ளாா். அப்போது, கிளிண்டன் ஆண்டனி ராஜின், இருசக்கர வாகனத்தை அதங்குடி தெற்கு சேத்தியைச் சோ்ந்த விக்டா் (23) மற்றும் நரேஷ் கிருஷ்ணன் (19) ஆகிய இருவரும் எடுத்துக் கொண்டு சுற்றினராம். மதுபோதையில் எதற்கு இருசக்கர வாகனத்தில் செல்கிறீா்கள் என்று கிளிண்டன் ஆண்டனி ராஜூ கேட்டதால் ஆத்திரமடைந்த விக்டா் (23) மற்றும் நரேஷ் கிருஷ்ணன் ஆகிய இருவரும் ஆண்டனி ராஜ் தலையில் கட்டையால் தாக்கினராம். இதுகுறித்து கூத்தாநல்லூா் போலீஸாா் வழக்குப் பதிந்து விக்டா், நரேஷ் கிருஷ்ணன் இருவரையும் கைது செய்தனா்.