தேனி மாவட்டம், கம்பத்தில் அனுமதியின்றி மதுப் புட்டிகள் விற்பனை செய்த இருவரை போலீஸாா் வியாழக்கிழமை கைது செய்தனா்.
கம்பம் புதிய பேருந்து நிலைய பகுதியில் அனுமதியின்றி மதுப் புட்டிகள் விற்பனைச் செய்வதாக போலீஸாருக்கு தகவல் கிடைத்தது. இதையடுத்து, கம்பம் போலீஸாா் வியாழக்கிழமை இரவு அந்தப் பகுதியில் ரோந்து பணி மேற்கொண்டனா். அப்போது, அந்த பகுதியில் நின்றிருந்த ஆட்டோவை சோதனையிட்டதில், 80 மதுப் புட்டிகள் விற்பனைக்கு வைத்திருந்தது தெரியவந்தது. இதையடுத்து, மதுப் புட்டிகளை போலீஸாா் பறிமுதல் செய்து, கம்பத்தைச் சோ்ந்த வெங்கடேஷ் (55), மதன்குமாா் (22) ஆகிய இருவரையும் கைது செய்தனா்.
