மது போதையில் தூங்கியவா் கழுத்தறுத்துக் கொலை

மண்டபத்தில் வெள்ளிக்கிழமை அதிகாலையில் மதுபோதையில் சாலையோரம் தூங்கிக்கொண்டிருந்த இருவரின் கழுத்தை மா்மநபா்கள் அறுத்தனா். இதில் ஒருவா் உயிரிழந்த நிலையில் மற்றொரு நபா் தீவிர சிகிச்சைப் பிரிவில் அனுமதிக்கப்பட்டாா்.

ராமநாதபுரம் மாவட்டம், மண்டபம் சேது நகரைச் சோ்ந்த தனசேகரன் மகன் களஞ்சியம் (49). மீனவரான இவா் மதுப் பழக்கத்துக்கு அடிமையானதால் குடும்பத்தை விட்டு பிரிந்து வசித்து வந்தாா். இந்த நிலையில், வெள்ளிக்கிழமை அதிகாலையில் இவா், ரயில்வே பீடா் சாலை பகுதியில் தூங்கினாா். அப்போது இரு சக்கர வாகனத்தில் வந்த மா்ம நபா் கத்தியால் களஞ்சியத்தின் கழுத்தை அறுத்து கொலை செய்து விட்டு தப்பிச்சென்றாா்.

இது குறித்து தகவலறிந்த மண்டபம் போலீஸாா் அங்கு சென்று களஞ்சியத்தின் உடலை மீட்டு, கூறாய்வுக்காக ராமநாதபுரம் அரசு மருத்துவக் கல்லூரி மருத்துவமனைக்கு அனுப்பினா்.

இதுகுறித்து போலீஸாா் வழக்குப் பதிவு செய்து கொலை செய்த மா்மநபரைத் தேடி வருகின்றனா்.

மற்றொரு சம்பவம் : மண்டபம் முகாம் புதுக்குடியிருப்பு பகுதியைச் சோ்ந்தவா் காளிதாஸ் (45). மில் தொழிலாளியான இவா், வியாழக்கிழமை இரவு மது போதையில் சாலையோரம் உள்ள குடிநீா் மேல்நிலைத் தொட்டி பகுதியில் படுத்துக் கிடந்தாா். வெள்ளிக்கிழமை அதிகாலையில் அந்த வழியாகச் சென்ற இருவா் காளிதாஸின் கழுத்தை அறுத்து விட்டு தப்பிச் சென்றனா். உடனே அவரை அந்தப் பகுதியினா் மீட்டு ராமநாதபுரம் அரசு மருத்துவக் கல்லூரி மருத்துவமனையில் அனுமதித்தனா். அங்கு அவருக்கு தீவிர சிகிச்சை அளிக்கப்படுகிறது. இது தொடா்பாக மண்டபம் போலீஸாா் வழக்குப் பதிந்து விசாரிக்கின்றனா்.