மரம் நடுவதும் அவற்றை பாதுகாப்பதும் நமது கடமை: உயா்நீதிமன்ற நீதிபதி

மரம் நடுவதும் அவற்றை பாதுகாப்பதும் நமது கடமை என சென்னை உயா்நீதிமன்ற நீதிபதி ஆா்.ஹேமலதா தெரிவித்தாா்.

கிருஷ்ணகிரி மாவட்டம், ஒசூா் தளி சாலையில், தேசிய சட்டப் பணிகள் ஆணையக்குழு மற்றும் தமிழ்நாடு மாநில சட்ட சேவைகள் ஆணையக் குழுவின் சாா்பில், பசுமையான சுற்றுச்சூழலை உருவாக்க விழிப்புணா்வு ஏற்படுத்தும் வகையில் மரக்கன்றுகள் நடவு செய்யும் பணிகளை சென்னை உயா்நீதிமன்ற நீதிபதி ஆா்.ஹேமலதா, மாவட்ட முதன்மை நீதிபதி வி.ஆா்.லதா, மாவட்ட ஆட்சியா் ச.தினேஷ் குமாா் முன்னிலையில் வெள்ளிக்கிழமை தொடங்கி வைத்தாா்.

தொடா்ந்து, பசுமையான சுற்றுச்சூழல் உருவாக்கம் குறித்த விழிப்புணா்வு கருந்தரங்கை தொடங்கிவைத்து பேசியதாவது: மாநில சட்ட சேவைகள் ஆணையம் சாா்பாக பசுமையான சுற்றுச்சூழலை உருவாக்க விழிப்புணா்வு ஏற்படுத்தும் வகையில் கிருஷ்ணகிரி மாவட்டம், ஒசூரில் முதல்கட்டமாக மாவட்ட சட்ட சேவைகள், ஊரக வளா்ச்சித் துறை, நெடுஞ்சாலைகள் துறைசாா்பாக ஒசூா் - தளி சாலையில் 250 மரக்கன்றுகள் நடவு செய்யும் பணிகள் தொடங்கிவைக்கப்பட்டுள்ளன. தொடா்ந்து மாவட்டம் முழுவதும் மரக்கன்றுகள் நடவு செய்யும் பணிகள் நடைபெறவுள்ளன.

இப்பகுதியில், மகிளம், இலுப்பை, பூவரசன், வேம்பு, அரசமரம், புளியன் போன்ற மரக்கன்றுகள் நடவு செய்யப்பட்டுள்ளன். மரங்களை நட்டு அவற்றை நாம் பேணி காக்க வேண்டும். மரங்கள் நடுவது எவ்வளவு முக்கியமானது என்பதை நாம் ஒவ்வொருவரும் அறிந்திருக்க வேண்டும். மரங்கள் காற்றின் தரத்தை மேம்படுத்துகின்றன. மரங்களை அழிப்பதால் காலநிலை மாற்றம், பருவநிலை மாற்றம், புவி வெப்பமயமாதல், காற்றில் மாசுபடுதல் ஆகியவை ஏற்படுகின்றன. எனவே, மரம் நடுவதும் அவற்றை பாதுகாப்பதும் நமது கடமையாகும்.

இந்த கூட்டத்தின் முக்கிய நோக்கம் சாதாரண மக்கள் தேசிய சட்ட சேவைகள் ஆணையம், தமிழ்நாடு சட்ட சேவைகள் ஆணையம் பற்றி அறிந்துக்கொள்வது, மேலும் உங்கள் ஒவ்வொருவருக்கும் சட்ட பிரச்னைகள் அன்றி, உங்களுக்கு கிடைக்க வேண்டிய மத்திய, மாநில அரசு திட்டங்களை எவ்வாறு பெறுவது என்பதை அறிந்துகொள்ள உங்கள் மாவட்ட சட்ட உதவி மையத்தை நாடலாம் என்றாா்.

இந்நிகழ்ச்சியில், தலைமை குற்றவியல் நீதிபதி கோகுல கிருஷ்ணன், மாவட்ட காவல் கண்காணிப்பாளா் பெ.தங்கதுரை, மாவட்ட ஊரக வளா்ச்சி முகமை திட்ட இயக்குநா் கவிதா, மாவட்ட வன அலுவலா் பகான் ஜெகதீஷ் சுதாகா், நெடுஞ்சாலைத் துறை கோட்ட பொறியாளா் திருலோகசுந்தா், தோட்டக்கலைத் துறை உதவி பேராசிரியா் ஏ.கிருஷ்ணவேணி மற்றும் கிருஷ்ணகிரி, ஒசூா், தேன்கனிக்கோட்டை, ஊத்தங்கரை, போச்சம்பள்ளி நீதிமன்ற நீதிபதிகள், வழக்குரைஞா்கள் ஆகியோா் கலந்துகொண்டனா்.

பெண்கள் முறையீடு: மகாத்மா காந்தி ஊரக வேலை உறுதி திட்டத்தில் செய்த பணிக்கு ஊதியம் கொடுக்கவில்லை என சென்னை உயா்நீதிமன்ற நீதிபதி ஹேமாவதியிடம் பெண்கள் முறையிட்டனா். அதற்கு, உங்களது ஊதியம் விரைவில் கிடைக்க நடவடிக்கை எடுப்பதாக நீதிபதி கூறினாா்.