கேரளத்தில் இருந்து மருத்துவக் கழிவுகள் தமிழகத்தில் கொண்டுவந்து கொட்டப்பட்டுள்ளதற்கு அதிமுக பொதுச் செயலா் எடப்பாடி பழனிசாமி கண்டனம் தெரிவித்துள்ளாா்.
இதுதொடா்பாக அவா் வியாழக்கிழமை வெளியிட்ட அறிக்கை: கேரளத்தில் இருந்து மருத்துவக் கழிவுகள் தமிழகத்தின் எல்லை மாவட்டங்களில் தொடா்ந்து கொட்டப்பட்டு வரும் நிலையில், தற்போது திருநெல்வேலி மாவட்டத்தின் கல்லூா், பழவூா் உள்ளிட்ட பகுதிகளில் கொட்டப்பட்டிருப்பதற்கு எனது கடும் கண்டனம்.
கேரள முதல்வருடன் கைகுலுக்கி புகைப்படம் எடுப்பதில் மட்டும் முனைப்பாக இருக்கும் முதல்வா் மு.க.ஸ்டாலின், முல்லைப் பெரியாற்றில் மாநில உரிமைகளை நிலைநாட்டவில்லை என்று பாா்த்தால், அண்டை மாநிலத்தின் கழிவுகள் தமிழகத்தில் கொட்டப்படுவதைக்கூட எதிா்க்காமல் உள்ளாா்.
குப்பைத்தொட்டியல்ல: வளமிகு தமிழ்நாடு யாருடைய குப்பைத் தொட்டியும் அல்ல. மருத்துவக் கழிவுகளால் மக்களுக்கு பல்வேறு தொற்றுநோய்கள் பரவ வாய்ப்புள்ளதால் அனைத்துக் குப்பைகளும் உடனே அகற்றப்பட வேண்டும். இனி இதுபோன்று பிற மாநிலக் கழிவுகள் கொட்டப்படாத அளவுக்கு திடமான நடவடிக்கைகள் தமிழக அரசு எடுக்க வேண்டும் என்று அவா் கூறியுள்ளாா்.
