கடலூா் மாவட்டம், பண்ருட்டி வட்டம், காடாம்புலியூா் அருகே மருத்துவா் வீட்டில் 95 பவுன் தங்க நகைகள் திருடப்பட்ட வழக்கில் தொடா்புடையதாக மேலும் இருவரை போலீஸாா் புதன்கிழமை கைது செய்தனா்.
காடாம்புலியூா் காவல் சரகம், புதுபிள்ளையாா்குப்பம் பகுதியைச் சோ்ந்தவா் காசிலிங்கம் (75), மணிலா வியாபாரி. இவரது மகன் ராஜா (44), விழுப்புரம் அரசு மருத்துவக் கல்லூரி மருத்துவமனையில் மருத்துவராகப் பணியாற்றி வருகிறாா். இவரது மனைவி ஆா்த்தி (40), பண்ருட்டியில் மருத்துவராகப் பணியாற்றி வருகிறாா்.
இவா்களுக்குச் சொந்தமான புதுபிள்ளையாா்குப்பத்தில் உள்ள வீட்டின் தரைதளத்தில் காசிலிங்கம் வசிக்கிறாா். மேல் தளத்தில் ராஜா, அவரது மனைவி ஆா்த்தியுடன் வசித்து வருகிறாா். இவா்கள் இருவரும் வெளியூா் சென்றிருந்த நிலையில், கடந்த ஜூலை 25-ஆம் தேதி பீரோவை உடைத்து 95 பவுன் தங்க நகைகளை மா்ம நபா்கள் திருடிச் சென்றனா்.
இதுகுறித்த புகாரின்பேரில், காடாம்புலியூா் போலீஸாா் வழக்குப் பதிந்து விசாரணை நடத்தி வந்தனா். கடந்த 3-ஆம் தேதி வாகன தணிக்கையின்போது திருட்டில் ஈடுபட்ட 5 பேரை போலீஸாா் கைது செய்து, அவா்களிடம் இருந்த தங்க நகைகள், காா் மற்றும் கைப்பேசிகளை பறிமுதல் செய்தனா்.
இந்த வழக்கில் தொடா்புடைய சேலம் மாவட்டம், மேட்டூா், எஸ்பிஐ குடியிருப்பு பின்புற பகுதியைச் சோ்ந்த மூா்த்தி (35), மாதயன் குட்டை தெருவைச் சோ்ந்த வல்லரசு (26) ஆகியோரை காடாம்புலியூா் போலீஸாா் புதன்கிழமை கைது செய்தனா். மேலும், அவா்களிடம் இருந்த 20 பவுன் நகைகளையும் பறிமுதல் செய்தனா்.
