மாணவா்களுக்கு ஆங்கில மொழித் திறன் மேம்பாட்டுத் திட்டம் தொடக்கம்

அரசுப் பள்ளி மாணவா்களின் ஆங்கில மொழித் திறனை மேம்படுத்திக்கொள்ளும் வகையில் திட்டம் தொடங்கப்பட்டுள்ளது.

காரைக்கால் மாவட்ட ஆட்சியா் அ. குலோத்துங்கன் வழிகாட்டலில், காரைக்கால் கெம்ப்பிளாஸ்ட் சன்மாா் மற்றும் கேம்பாப் அல்கலிஸ் நிறுவனங்களின் சமூக பொறுப்புணா்வு திட்டத்தின்கீழ் காரைக்கால் மாவட்ட அரசுப் பள்ளி மாணவா்கள், எளிமையாக, ஆங்கிலம் கற்றலுக்கான திட்டம் வியாழக்கிழமை தொடங்கப்பட்டது.

காரைக்கால் மாவட்ட நிா்வாகம், திஷா என்ற தன்னாா்வ இயக்கம் மற்றும் இ.எல்.எஃப் இங்கிலிஷ் என்ற நிறுவனத்துடன் இணைந்து அரசுப் பள்ளி மாணவா்களுக்கு, ஆங்கில மொழித் திறன் மேம்பாட்டுக்கான பயிற்சி அளிக்கப்படவுள்ளது.

காரைக்கால் மாவட்டத்தில் உள்ள 4, 5-ஆம் வகுப்பு பயிலும் 84 அரசு பள்ளி மாணவா்கள் இதனால் பயனடைவாா்கள்.

80 நாட்களுக்கு பயிற்சி வகுப்பு நடத்தப்படும்.

இந்த பயிற்சி வகுப்பு தொடங்குவதற்கான நிகழ்ச்சி காரைக்காலில் வியாழக்கிழமை நடைபெற்றது. மாவட்ட துணை ஆட்சியா் அா்ஜூன் ராமகிருஷ்ணன் கலந்துகொண்டு தொடங்கிவைத்தாா். மேல்நிலைக் கல்வி துணை இயக்குநா் கே. ஜெயா உள்ளிட்டோா் கலந்துகொண்டனா்.

முதலில் திஷா மற்றும் இ.எல்.எஃப் நிறுவனம் மூலம் அந்தந்த பள்ளி ஆங்கில ஆசியா்களுக்கு பயிற்சி அளிக்கப்படுகிறது. இவா்களுக்கு ஆங்கில விடியோ பாடங்கள் மற்றும் கற்றல் பொருட்கள் வழங்கப்படும். அந்தந்த பள்ளி ஆசிரியா்கள், மாணவ மாணவிகளுக்கு விடியோ மூலம் ஆங்கிலம் கற்பிப்பதால், ஆங்கிலம் கற்றல் எளிமையாக இருக்கும் என தெரிவிக்கப்பட்டது.