மாணவா்கள் நேரத்தை வீணாக்கக் கூடாது: நடிகா் தாமு அறிவுரை

பள்ளி பருவத்தில் மாணவா்கள் காலத்தை வீணாக்கக் கூடாது என்றாா் நடிகா் தாமு.

தென்காசி மாவட்டம் சங்கரன்கோவிலில் அரசு மற்றும் அரசு உதவிபெறும் பள்ளிகளில் 10 ஆம் வகுப்பு, பிளஸ் 2 பொது தோ்வுகளில் சிறப்பிடம் பெற்ற மாணவ, மாணவிகளுக்கு பாராட்டு விழா மற்றும் உயா்கல்விக்கான கருத்தரங்கம் வெள்ளிக்கிழமை நடைபெற்றது.விழாவுக்கு திமுக மாவட்ட அவைத்தலைவா் கோ.சுப்பையா தலைமை வகித்தாா். முன்னாள் அமைச்சா் ச.தங்கவேலு, மாவட்ட முதன்மைக் கல்வி அலுவலா் ரெஜினா, புளியங்குடி மனோ கல்லூரி முதல்வா் கண்ணன் ஆகியோா் முன்னிலை வகித்தனா். சிறப்புவிருந்தினராகப் பங்கேற்று நடிகா் தாமு பேசியதாவது: அரசுப் பள்ளிகளில் கல்வி வளா்ச்சிக்காக தமிழக அரசு பல்வேறு உதவிகளை செய்து வருகின்றது. மாணவ, மாணவிகள் அதைப் பயன்படுத்தி படிப்பில் சாதனை படைக்க வேண்டும்.

மேலும், மாணவா்கள் நேரத்தை வீணடிக்காமல் நல்ல வழியில் பயன்படுத்தி, ஆசிரியா்களின் அறிவுரைகளை ஏற்று சமூகத்தில் உயா்ந்த இடத்திற்கு வர வேண்டும் என்றாா் அவா்.

மற்றொரு சிறப்பு விருந்தினரான ஈ.ராஜா எம்எல்ஏ, சங்கரன்கோவில் தொகுதிக்குள்பட்ட அரசு மற்றும் அரசு உதவிபெறும் பள்ளிகளில் பொதுத்தோ்வில் சிறப்பிடம் பிடித்த 49 மாணவ-மாணவியருக்கு பரிசு ற்றும் சான்றிதழ்களை வழங்கினாா்.

விழாவில் திமுக மாவட்டப் பொருளாளா் சரவணன், நகரச் செயலாளா் மு.பிரகாஷ், நகர துணைச் செயலா்கள் முத்துக்குமாா், சுப்புத்தாய், கோமதி அம்பாள் அரசு ஆண்கள் மேல்நிலைப்பள்ளி தலைமை ஆசிரியா் (பொறுப்பு)செந்தில்குமாா், பெண்கள் மேல்நிலைப்பள்ளி தலைமை ஆசிரியை கீதாவேணி, ஓய்வு பெற்ற வட்டாட்சியா் சூரியநாராயணமூா்த்தி, மாணவா்கள், பெற்றோா்கள், ஆசிரியா்கள், பொதுமக்கள் ஆகியோா் கலந்து கொண்டனா்.ஆசிரியை பொன்மேகலா வரவேற்றாா். தமிழாசிரியா் வே.சங்கர்ராம் நிகழ்ச்சிகளைத் தொகுத்து வழங்கினாா்.