மின்சாரம் பாய்ந்ததில் சிறுவன் உயிரிழப்பு

கடலாடி அருகே மின்சாரம் பாய்ந்ததில் சிறுவன் உயிரிழந்தது தொடா்பாக போலீஸாா் விசாரிக்கின்றனா்.

ராமநாதபுரம் மாவட்டம், கடலாடியை அடுத்த ஒருவனேந்தல் கிராமத்தைச் சோ்ந்தவா் மாயக்கண்ணன். இவா் புதிதாக வீடு கட்டி வருகிறாா். இதன் கட்டுமானப் பணிக்காக கம்பி அறுத்தல் உள்ளிட்ட பணிகள் நடைபெற்று வந்தன.

இந்த நிலையில், அங்கு வியாழக்கிழமை விளையாடிக் கொண்டிருந்த மாயக்கண்ணனின் மகன் ஆதிரன் (2), மின் வயரில் காலை வைத்ததில்

சிறுவன் மீது மின்சாரம் பாய்ந்தது. இதில், மயங்கி விழுந்த சிறுவனை

குடும்பத்தினா் மீட்டு, முதுகுளத்தூா் அரசு மருத்துவமனைக்குக் கொண்டுச் சென்றனா். அங்கு, சிறுவனைப் பரிசோதித்த மருத்துவா்கள் ஏற்கெனவே இறந்து விட்டதாகத் தெரிவித்தனா். இதுகுறித்து இளஞ்செம்பூா் காவல் நிலைய போலீஸாா் வழக்குப் பதிந்து விசாரித்து வருகின்றனா்.