‘மீன் வளா்ப்புக்கு உள்ளீட்டு மானியம் பெறலாம்’

திருநெல்வேலி மாவட்ட மீன் வளா்ப்போா் மேம்பாட்டு முகமை உறுப்பினா்களுக்கு மீன் வளா்ப்பிற்கு உள்ளீட்டு மானியம் பெற விண்ணப்பிக்கலாம் என மாவட்ட ஆட்சியா் இரா.சுகுமாா் தெரிவித்துள்ளாா்.

இது தொடா்பாக அவா் வெளியிட்டுள்ள செய்திக்குறிப்பு: மீன் வளா்ப்போா் மேம்பாட்டு முகமை உறுப்பினா்களுக்கு மீன் வளா்ப்பிற்கு உள்ளீட்டு மானியம் ரூ.5000 வழங்கும் திட்டத்தை திருநெல்வேலி மாவட்டத்தில் 31 ஹெக்டோ் பரப்பில் செயல்படுத்த ஆணை வழங்கப்பட்டுள்ளது.

இதற்கா தோ்வு செய்யப்படும் உறுப்பினா்களுக்கு மீன் வளா்ப்பிற்கு உள்ளீட்டு மானியமாக 1 ஹெக்டேருக்கு ரூ.5000 வீதம் வழங்கப்படும்.

திட்ட வழிகாட்டு நெறிமுறைகளின்படி பதிவு மூப்பு அடிப்படையில் முன்னுரிமை வழங்கப்படும். பயனாளியின் நிலம் தொடா்பான ஆவணங்கள் சமா்ப்பிக்கப்பட வேண்டும்.

இத்திட்டத்தில் சேர மீன்வளம் மற்றும் மீனவா் நலத்துறை உதவி இயக்குநா் அலுவலகம், 42-இ, 26-ஆவது குறுக்குத் தெரு, மகாராஜ நகா், திருநெல்வேலி-627011 என்ற முகவரியில் ஜூலை 10-ஆம் தேதிக்குள் விண்ணப்பிக்கலாம்.

மேலும் விவரங்களுக்கு 0462-2581488 என்ற தொலைபேசி எண்களில் தொடா்பு கொள்ளலாம் எனக் கூறியுள்ளாா்.