முதல்வா் வருகை: திருப்பத்தூரில் போக்குவரத்து மாற்றம்

திருப்பத்தூா் மாவட்டத்துக்கு தமிழக முதல்வா் மு.க.ஸ்டாலின் வருகையையொட்டி திருப்பத்தூரில் போக்குவரத்து மாற்றம் செய்யப்பட்டது.

தமிழக முதல்வா் மு.க.ஸ்டாலின் திருப்பத்தூா் மாவட்ட ஆட்சியா் அலுவலகம் அருகே அமைக்கப்பட்டுள்ள முன்னாள் முதல்வா் மு.கருணாநிதி சிலையைத் திறந்து வைப்பதற்காகவும், பல்வேறு நலத் திட்ட உதவிகளை வழங்குவதற்காகவும் புதன்கிழமை மாலை திருப்பத்தூா் மாவட்டத்துக்கு வந்தாா்.

வியாழக்கிழமை (ஜூன் 26) பல்வேறு நலத் திட்ட உதவிகளை பொதுமக்களுக்கு வழங்கி, பல்வேறு புதிய திட்டங்களுக்கு அடிக்கல் நாட்டவும், முடிவுற்ற பணிகளை தொடங்கி வைக்கவும் உள்ளாா்.

இந்த நிலையில் புதன்கிழமை மதியம் 3 மணிளவில் திருப்பத்தூரில் போக்குவரத்து மாற்றம் செய்யப்பட்டது. திருப்பத்தூருக்கு வரும் அனைத்து பேருந்துக்ககளும், பேருந்து நிலையத்திற்கு வராமல் பணிமனைக்கு அனுப்பி வைக்கப்பட்டு, அங்கு பயணிகளை ஏற்றிக் கொண்டு மாற்றுப் பாதையில் சென்றன. வியாழக்கிழமை முதல்வா் மு.க.ஸ்டாலின் சென்னை செல்வதற்கு ரயில் ஏறிய பின்னா், போலீஸாா் தெரிவிக்கும் வரை இதே பாதையில்தான் பேருந்துக்கள் இயக்கப்படும் என போக்குவரத்துத் துறை அதிகாரிகள் தெரிவித்தனா்.