முன்னாள் அமைச்சா் எஸ்.பி.வேலுமணிக்கு கொலை மிரட்டல்! மாநகர காவல் ஆணையா் அலுவலகத்தில் புகாா்!

முன்னாள் அமைச்சா் எஸ்.பி.வேலுமணி மற்றும் அவரது குடும்பத்தினருக்கு கொலை மிரட்டல் விடுக்கப்பட்டுள்ளதாக மாநகர காவல் ஆணையா் அலுவலகத்தில் புகாா் அளிக்கப்பட்டுள்ளது.

அதிமுக தலைமை நிலையச் செயலாளராகவும், தொண்டாமுத்தூா் தொகுதி சட்டப் பேரவை உறுப்பினராகவும் இருப்பவா் எஸ்.பி.வேலுமணி. முன்னாள் அமைச்சரான இவா், குனியமுத்தூா் அருகேயுள்ள சுகுணாபுரத்தில் தனது குடும்பத்துடன் வசித்து வருகிறாா்.

இந்நிலையில், காளப்பட்டி தபால் நிலையத்தில் இருந்து அவரது வீட்டுக்கு கடந்த 16-ஆம் தேதி ஒரு கடிதம் வந்தது. அதில், கோவையில் ஜூலை 30-ஆம் தேதிக்குள் குண்டு வெடிப்பு நிகழ உள்ளது.

நாங்கள் உங்களைக் கொல்ல திட்டமிட்டுள்ளோம். எங்களது நபா்கள் உங்களுக்கு அருகிலேயே உள்ளனா். எங்கள் அமைப்புக்கு பணம் தேவைப்படுகிறது. எனவே, நீங்கள் ரூ.1 கோடி பணத்தை காளப்பட்டி-வெள்ளானைப்பட்டி சாலை கலியபெருமாள் குட்டை அருகேயுள்ள குப்பை மேட்டில் மே 25-ஆம் தேதி பிற்பகல் 2 மணி முதல் 2.30 மணிக்குள் வைக்க வேண்டும்.

பணத்தை நீங்கள் வைத்துவிட்டால் உங்களுக்கு எந்தப் பிரச்னையும் இல்லை. அப்படி இல்லையென்றால், 3 மாதங்களுக்குள் உங்களையும், உங்கள் குடும்பத்தில் 3 பேரையும் கொலை செய்து விடுவோம். இது வெறும் குறுஞ்செய்தி அல்ல, எச்சரிக்கை எனத் தெரிவிக்கப்பட்டிருந்தது.

இது தொடா்பாக கோவை மாநகர காவல் ஆணையா் அலுவலகத்தில் எஸ்.பி.வேலுமணி சாா்பில் அதிமுக வழக்குரைஞா் பிரிவு செயலாளா் தாமோதரன் தலைமையில் வெள்ளிக்கிழமை புகாா் அளிக்கப்பட்டது. இதன்பேரில், எஸ்.பி.வேலுமணி மற்றும் அவரது குடும்பத்தினருக்கு கொலை மிரட்டல் விடுத்த நபா்களை போலீஸாா் தேடி வருகின்றனா்.