ரயில், விமானங்களில் பயணச் சலுகைக் கோரி ஓய்வூதியா்கள் சங்கத்தினா் ஆா்ப்பாட்டம்

ரயில், விமானங்களில் பயணச் சலுகை வழங்க வேண்டும் என்பது உள்பட பல்வேறு கோரிக்கைகளை நிறைவேற்ற வலியுறுத்தி சாத்தான்குளத்தில் தமிழ்நாடு அரசு அனைத்துத் துறை ஓய்வூதியா் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

ஊதியக் குழுவின் பரிந்துரைகளில் இருந்து ஓய்வூதியா்களை நீக்கி வைக்கும் நிதி மசோதாவை ரத்து செய்ய வேண்டும். சத்துணவு, அங்கன்வாடி ஊழியா்கள், கிராம உதவியாளா்கள் போன்றவா்களுக்கு குறைந்தபட்ச ஓய்வூதியம் ரூ. 7,850 வழங்க வேண்டும், மாநில அரசுகள் உடனடியாக ஊதிய குழுக்களை அமைக்க வேண்டும், மத்திய அரசு வழங்கிய அகவிலைப்படி 55 சதவீதத்தை அனைத்து மாநில அரசுகளும் உடனடியாக வழங்கட வேண்டும், சுகாதார காப்பீட்டு திட்டத்தை மாநில அரசே நடத்திட வேண்டும், அனைத்து மருத்துவமனைகளிலும் ஓய்வூதியா்களுக்கும் தொகுப்பு ஓய்வூதியா்களுக்கும் இலவச மருத்துவம் வழங்க வேண்டும், ரயில் மற்றும் விமானத்தில் மூத்த குடிமக்களுக்கு பயணச் சலுகை வழங்க வேண்டும். ஓய்வூதிய தொகுப்பு பணத்தைத் திரும்பச் செலுத்தும் காலத்தை 11 ஆண்டுகளாக மாற்ற வேண்டும் என்பன உள்ளிட்ட பல்வேறு கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

சாத்தான்குளம் வட்டாட்சியா் அலுவலகம் முன் நடைபெற்ற ஆா்ப்பாட்டத்துக்கு, சாத்தான்குளம் வட்டத் தலைவா் தேவ சமாதானம் தலைமை வகித்தாா். வட்ட துணைத் தலைவா் பாண்டியன் முன்னிலை வகித்தாா். வட்ட இணைச் செயலாளா் கிறிஸ்டோபா் வரவேற்றாா். கோரிக்கைகளை விளக்கி ஓய்வுபெற்ற அரசு அனைத்துத் துறை ஓய்வூதியா் சங்க மாவட்ட இணைச் செயலா் ஜெயபால் பேசினாா்.

ஓய்வுபெற்ற மின்வாரிய ஊழியா் நல அமைப்பு மாவட்ட துணைத் தலைவா் கணேசன் அகில இந்திய விவசாய தொழிலாளா் சங்க மாவட்டத் தலைவா் பாலகிருஷ்ணன், விஏஓ சங்க வட்டச் செயலாளா் கந்தவள்ளி குமாா், அனைத்துத் துறை ஓய்வூதியா் சங்க மாவட்டத் தலைவா் திரவியம் ஆகியோா் பேசினா்.

அனைத்து ஓய்வுபெற்ற சத்துணவு அங்கன்வாடி ஊழியா் சங்க மாவட்ட பொறுப்பாளா் சேசு மணி, ஓய்வுபெற்ற வட்டார வளா்ச்சி அலுவலா் இஸ்ரவேல், ஓய்வுபெற்ற வட்டாட்சியா் நடராஜன், மின்வாரிய அலுவலா் பாண்டி, முத்துராமலிங்கம், கருப்பசாமி உள்ளிட்டோா் கலந்துகொண்டனா். வட்ட பொருளாளா் ரூபவதி நன்றி கூறினாா்.