யேமன் மீது இஸ்ரேல் வான்வழித் தாக்குதல்: 10 பேர் பலி! 102 பேர் படுகாயம்!
பல்லடம் அருகே லாரி மோதியதில் சிறுமி உயிரிழந்தாா்.
பிகாா் மாநிலத்தைச் சோ்ந்தவா் சிவ்ராஜ்குமாா் பாஸ்வான். இவா் தனது மனைவி, மகள் பிஹுகுமாரி (7) ஆகியோருடன் பல்லடம் அருகேயுள்ள கரைப்புதூரில் தங்கி, அங்குள்ள தனியாா் சாய தொழிற்சாலையில் பணியாற்றி வருகிறாா்.
இந்நிலையில், 63 வேலம்பாளையம் - சின்னக்கரை சாலையை சிறுமி ஞாயிற்றுக்கிழமை தனியே கடக்க முயன்றதாகக் கூறப்படுகிறது. அப்போது, வேலம்பாளையத்தில் இருந்து திருப்பூருக்கு ஜல்லி கற்கள் பாரம் ஏற்றி வந்த லாரி, சிறுமி மீது மோதியது. இதில், உடல் நசுங்கி சிறுமி சம்பவ இடத்திலேயே உயிரிழந்தாா்.
தகவல் அறிந்த சிவ்ராஜ்குமாா் பாஸ்வானுடன் பணியாற்றும் வடமாநிலத் தொழிலாளா்கள், விபத்தை ஏற்படுத்திய லாரியின் கண்ணாடியை உடைத்து சேதப்படுத்தினா்.
தகவல் அறிந்து சம்பவ இடத்துக்கு வந்த பல்லடம் காவல் ஆய்வாளா் மாதையன் தலைமையிலான போலீஸாா், அவா்களை சமாதானம் செய்தனா். இதையடுத்து, சடலம் மீட்கப்பட்டு திருப்பூா் அரசு மருத்துவமனைக்கு அனுப்பிவைக்கப்பட்டது. இச்சம்பம் குறித்து பல்லடம் போலீஸாா் வழக்குப் பதிவு செய்து விசாரணை நடத்தி வருகின்றனா்.
