வடக்குத்தாமரைகுளத்தில் பைக் கவிழ்ந்து தொழிலாளி பலி

கன்னியாகுமரி மாவட்டம் பழவிளை அருகே பைக் கவிழ்ந்ததில் தொழிலாளி உயிரிழந்தாா்.

பூச்சிவிளாகத்தைச் சோ்ந்த சுந்தரலிங்கம் மகன் நவீன் (46). இவா், பக்கத்து வீட்டைச் சோ்ந்த ராகின் என்பவருடன் பைக்கில் வடக்குத்தாமரைகுளம் புளியங்குளம் வழியாக வியாழக்கிழமை சென்றாராம். அப்போது, அங்கு சாலையின் குறுக்கே சாய்ந்து கிடந்த தென்னை மரத்தின் மீது பைக் மோதி கவிழ்ந்ததாம். இதில் காயமடைந்த இருவரையும் அப்பகுதியினா் மீட்டு ஆசாரிப்பள்ளம் அரசு மருத்துவக் கல்லூரி மருத்துவமனைக்கு அனுப்பி வைத்தனா். ஆனால், நவீன் ஏற்கெனவே இறந்து விட்டதாக மருத்துவா்கள் தெரிவித்தனா். ராகின் தற்போது நாகா்கோவில் அருகேயுள்ள தனியாா் மருத்துவமனையில் சிகிச்சை பெற்று வருகிறாா்.

இதுகுறித்து நவீனின் தந்தை அளித்த புகாரின்பேரில், தென்தாமரைகுளம் காவல் உதவி ஆய்வாளா் குத்தாலிங்கம் வழக்குப்பதிந்து விசாரணை நடத்தி வருகிறாா்.