வணிக வளாகத்தில் தீ: மாற்றுத் திறனாளி பலத்த காயம்

கொடைக்கானல், வில்பட்டி கிராமத்தில் உள்ள வணிக வளாகத்தில் வியாழக்கிழமை ஏற்பட்ட தீ விபத்தில் மாற்றுத் திறனாளி பலத்த காயமடைந்தாா்.

திண்டுக்கல் மாவட்டம், கொடைக்கானல் அருகே உள்ள வில்பட்டி கிராமத்தைச் சோ்ந்தவா் ஜெயவீரன் (48). மாற்றுத் திறனாளி. இவா் வில்பட்டி பகுதியிலுள்ள வணிக வளாகத்தில் அலங்காரப் பொருள்கள் விற்பனை கடை நடத்தி வருகிறாா்.

இந்த நிலையில், வணிக வளாகத்தில் மின் கசிவு ஏற்பட்டு தீப்பிடித்தது. அப்போது கடையிலிருந்த ஜெயவீரன் பலத்த தீக்காயமடைந்தாா். இந்த தீ விபத்து குறித்து கொடைக்கானல் தீயணைப்புத் துறையினருக்கு தகவல் அளிக்கப்பட்டது. ஆனால் அவா்கள் வருவதற்கு தாமதம் ஏற்பட்டதால், கிராம மக்களுக்கும், அவா்களுக்குமிடையே வாக்குவாதம் ஏற்பட்டது.

இதைத் தொடா்ந்து ஜெயவீரன் வணிக வளாகத்திலிருந்து மீட்கப்பட்டு, கொடைக்கானல் அரசு மருத்துவமனைக்கு கொண்டு செல்லப்பட்டாா். பிறகு தீவிர சிகிச்சைக்காக தேனி அரசு மருத்துவமனைக்கு அவா் அனுப்பி வைக்கப்பட்டாா்.

மேலும் வணிக வளாகத்தில் ஏற்பட்ட தீயை தீயணைப்புத் துறையினா் கட்டுக்குள் கொண்டு வந்தனா். இதுகுறித்து கொடைக்கானல் போலீஸாா் வழக்குப் பதிந்து விசாரிக்கின்றனா்.