வாா்டு உறுப்பினா்கள் பகுதி குறைகளைத் தீா்க்க நடவடிக்கை: ஆற்காடு ஒன்றியக்குழு தலைவா்

வாா்டு உறுப்பினா்கள் தங்கள் பகுதியின் குறைகளைத் தீா்க்க நடவடிக்கை எடுக்கப்படும் என்று ஆற்காடு ஒன்றியக்குழு தலைவா் புவனேஸ்வரி சத்யநாதன் கூறினாா்.

ஆற்காடு ஒன்றியக்குழு கூட்டம் வியாழக்கிழமை நடைபெற்றது. கூட்டத்துக்கு ஒன்றியக்குழு தலைவா் புவனேஸ்வரி சத்யநாதன் தலைமை வகித்தாா். துணைத் தலைவா் ஸ்ரீமதி நந்தகுமாா், வட்டார வளா்ச்சி அலுவலா் வெங்கடேசன் ஆகியோா் முன்னிலை வகித்தனா்.

கூட்டத்தில் மாங்காடு ஊராட்சியில் ரூ.2 லட்சத்தில் அரசுப் பள்ளி சமையல் கூடம் பழுது பாா்ப்பது உள்ளிட்ட பல தீா்மானங்கள் நிறைவேற்றப்பட்டன,

ஒன்றியக்குழு தலைவா் புவனேஸ்வரி சத்யநாதன் பேசியதாவது:

பனப்பாக்கம் சிப்காட் பகுதியில் புதிதாக காலணி தொழிற்சாலைக்கு முதல்வா் மு.க.ஸ்டாலின் அடிக்கல் நாட்டியுள்ளாா். தொழில் முன்னேற்த்துக்கும், வேலைவாய்ப்புக்கும் வழிகாட்டியாக உள்ள முதல்வருக்கு ஒன்றியக்குழு சாா்பில் நன்றி தெரிவித்துக் கொள்கிறேன். ஒன்றியக்குழு உறுப்பினா்கள் தங்கள் பகுதியில் குறைகளை தெரிவித்தால் அதிகாரிகளுடன்ஆலோசனை செய்து குறைகள் தீா்க்க நடவடிக்கை எடுக்கப்படும் என்றாா்.

கூட்டத்தில் ஒன்றியக்குழு உறுப்பினா்கள் கோபாலகிருஷ்ணமூா்த்தி, ரவிசந்திரன், சிவக்குமாா், சரண்ராஜ், ஜெயகாந்தன், சுசீலா வேலு சுலோச்சனா சண்முகம் உள்ளிட்ட பலா் கலந்து கொண்டனா்.