விஜய் பிறந்த நாள்: 150 போ் ரத்த தானம்

தமிழக வெற்றிக் கழகத் தலைவரும் முன்னணி நடிகருமான விஜய்யின் 51 ஆவது பிறந்த நாளையொட்டி, தருமபுரி மாவட்ட பகுதியில் நடைபெற்ற ரத்ததான முகாமில் 150க்கும் மேற்பட்டோா் ரத்த தானம் வழங்கினா்.

தருமபுரி மாவட்டம், பாப்பாரப்பட்டி பேரூராட்சியில் தமிழக வெற்றிக் கழகம் சாா்பில் மருத்துவ முகாம் ஞாயிற்றுக்கிழமை நடைபெற்றது. தனியாா் திருமண மண்டபத்தில் நடந்த இம்மருத்துவ முகாமில் பல், கண் பரிசோதனைகள், குழந்தைகள் நலன் மருத்துவம், ரத்த அழுத்தம், உப்பு மற்றும் சா்க்கரை பரிசோதனைகள், சித்த மருத்துவம் உள்ளிட்டவை இலவசமாக மேற்கொள்ளப் பட்டது. மேலும் அக்கட்சியைச் சோ்ந்த 150க்கும் மேற்பட்டோா் ரத்த தானம் செய்தனா்.

தருமபுரி அரசு மருத்துவமனை ரத்த வங்கி பொறுப்பு அலுவலா் தலைமையில் பணியாளா்கள் முகாமிட்டு தானம் பெறப்பட்ட ரத்தத்தை சேமித்து எடுத்துச் சென்றனா். ரத்த தானம் வழங்கிய அனைவருக்கும் பாராட்டு சான்றிதழ் வழங்கப்பட்டது. தொடா்ந்து முகாமில் பங்கேற்றவா்கள் மற்றும் பொதுமக்களுக்கு அன்னதானம் வழங்கப்பட்டது. இந்த முகாமுக்கான ஏற்பாடுகளை தமிழக வெற்றிக் கழகம் பாப்பாரப்பட்டி பேரூராட்சி செயலாளா் ரமேஷ் தலைமையிலான கட்சியினா் செய்திருந்தனா்.