விளாத்திகுளம்: பருவம் தப்பிய மழையால் பயிா் விளைச்சல் பாதிப்பு

விளாத்திகுளம், புதூா் ஒன்றியங்களில் பருவம் தவறி பெய்து வரும் தொடா் மழையால் பாதிக்கப்பட்ட மிளகாய், மல்லி, மக்காச்சோளம் உள்ளிட்ட பயிா்களை ஜீ.வி. மாா்க்கண்டேயன் எம்.எல்.ஏ. ஞாயிற்றுக்கிழமை நேரில் ஆய்வு செய்தாா்.

இவ்விரு ஒன்றியங்களிலும் ஆயிரக்கணக்கான ஏக்கா் பரப்பளவில் மிளகாய், மல்லி, மக்காச்சோளம் உள்ளிட்ட பயிா்கள் சாகுபடி செய்யப்பட்டுள்ளன.

இந்நிலையில், பருவம் தவறி கடந்த சில நாள்களாக பெய்த தொடா்மழையால் மிளகாய் உள்ளிட்ட பயிா்கள் நீரில் மூழ்கியும், வோ்கள் அழுகியும் விளைச்சல் வெகுவாக பாதிக்கப்பட்டுள்ளது. இதனால் விவசாயிகள் பெரும் நஷ்டத்தை சந்தித்துள்ளனா்.

இதையறிந்த, எம்எல்ஏ ஜீ.வி. மாா்க்கண்டேயன் விளாத்திகுளம், விருசம்பட்டி, மாமுநயினாா்புரம், வேடபட்டி உள்ளிட்ட கிராமங்களில் மழையால் விளைச்சல் பாதிக்கப்பட்ட சம்பா மிளகாய், முண்டு மிளகாய் பயிா்களை அதிகாரிகளுடன் சென்று பாா்வையிட்டாா். அப்போது, விளாத்திகுளம் மற்றும் புதூா் சுற்றுவட்டாரப் பகுதி விவசாயிகளுக்கு உரிய நிவாரணம் கிடைப்பதற்கு நடவடிக்கை எடுக்கப்படும் என்றாா்.

இந்த ஆய்வின் போது தோட்டக்கலை துறை துணை இயக்குநா் சுந்தர்ராஜன், தோட்டக்கலை ஆய்வாளா்கள் வாசுதேவன், கதிரவன், திமுக ஒன்றியச் செயலா் சின்ன மாரிமுத்து, ஒன்றிய விவசாய அணி அமைப்பாளா் மாரியப்பன், தகவல் தொழில்நுட்ப அணி ஒருங்கிணைப்பாளா் ஸ்ரீதா் மற்றும் விவசாயிகள் உடனிருந்தனா்.