விளைநிலங்கள் அபகரிக்கப்படுவதைத் தடுக்க வேண்டும்: பி.ஆா். பாண்டியன்

விளைநிலங்கள் அபகரிக்கப்படுவதைத் தடுக்க தமிழக அரசு தடுத்து நிறுத்த வேண்டும் என, தமிழ்நாடு அனைத்து விவசாயிகள் சங்க ஒருங்கிணைப்புக் குழு மாநிலத் தலைவா் பி.ஆா். பாண்டியன் வலியுறுத்தினாா்.

கோவில்பட்டியில், இந்த அமைப்பின் மாவட்ட நிா்வாகிகள், விவசாயிகள் ஆலோசனைக் கூட்டம் புதன்கிழமை நடைபெற்றது. மாவட்டச் செயலா் அருமைராஜ் தலைமை வகித்தாா். மாவட்ட துணைச் செயலா் சங்கிலிகுமாா், நகரத் தலைவா் சிவகுருநாதன், ஒன்றியச் செயலா்கள் ரவிச்சந்திரன் (கோவில்பட்டி), கருப்பசாமி (ஓட்டப்பிடாரம்), முத்துராஜ் (கயத்தாறு) ஆகியோா் முன்னிலை வகித்தனா். பி.ஆா். பாண்டியன் சிறப்பு விருந்தினராகப் பங்கேற்றுப் பேசினாா்.

கோவில்பட்டி அருகே ஆலம்பட்டி கண்மாயில் தனியாா் நிறுவனத்தின் கழிவுநீா் கலப்பதைத் தடுக்க வேண்டும். இம்மாவட்டத்தில் பல ஆண்டுகளாக ஒரே இடத்தில் பணியாற்றும் ஊராட்சி செயலா்களை இடமாற்றம் செய்ய வேண்டும்.

கோவில்பட்டி வட்டத்துக்குள்பட்ட சில ஓடைகளில் தனியாா் காற்றாலை நிறுவனங்கள் உயரழுத்த மின்கம்பங்கள் அமைத்து ஆக்கிரமிப்பதை அகற்ற வேண்டும். பொதுப்பணித் துறை அலட்சியத்தால் ஸ்ரீவைகுண்டம் அணைப் பகுதியிலிருந்து வடகால், தென்கால் பகுதிகளில் குடிநீா், விவசாயப் பணிகளுக்கு தண்ணீா் திறப்பதில் நடைமுறை சிக்கல்கள் உள்ளதால் நெல், வாழை விவசாயிகள் அவதிப்படுகின்றனா். இதற்கு தீா்வுகாண வேண்டும் என்பன உள்ளிட்ட பல்வேறு கோரிக்கைகளை வலியுறுத்தி தீா்மானங்கள் நிறைவேற்றப்பட்டன.

பின்னா் செய்தியாளா்களிடம் பி.ஆா். பாண்டியன் கூறியது: சிப்காட் அமைப்பதற்காக எட்டயபுரம் அருகே வெம்பூரில் சுமாா் 700 ஏக்கா் விளைநிலங்கள் கையகப்படுத்தப்படுகின்றன. விவசாயிகளின் கோரிக்கையை ஏற்று, நிலம் கையகப்படுத்துவதைத் கைவிட வேண்டும். தரிசு நிலங்களில் சிப்காட் அமைக்கத் தடையில்லை.

தமிழகத்தில் விளைநிலங்கள் அபகரிக்கப்படுவதை அரசு தடுத்து நிறுத்தவில்லையெனில், தோ்தலின்போது திமுகவுக்கு எதிராக களமாட வேண்டிய நிலை வரும். தமிழகத்தில் கள் விற்பனைக்கு அரசு அனுமதி அளிக்க வேண்டும். திமுக ஆட்சி பொறுப்பேற்ற பின்னா் தமிழ்நாட்டில் 40 சதவீதம் அரிசி உற்பத்தி பாதிக்கப்பட்டுள்ளது.

விளைநிலங்களை சேதப்படுத்தும் காட்டுப் பன்றிகளைச் சுட்டுக் கொல்வதற்கு வனத்துறைக்கு உரிய அனுமதி வழங்கப்பட வேண்டும் என்றாா் அவா்.