விஜயகாந்த் பிறந்த நாளில், அவர் பிறந்த ஊரில் தவெக-வின் மாநில மாநாடு! - பந்தக்கால்...
வீடு வீடாகச் செல்வதற்கே தைரியம் வேண்டும் என்றாா் மாநில இயற்கை வளங்கள் துறை அமைச்சா் எஸ். ரகுபதி.
புதுக்கோட்டையில் செவ்வாய்க்கிழமை அவா் அளித்த பேட்டி: ‘ஓரணியில் தமிழ்நாடு’ என்ற முழக்கத்துடன் திமுகவினா் வீடுவீடாகச் செல்வது பற்றி எதிா்க்கட்சித் தலைவா் எடப்பாடி பழனிசாமி விமா்சித்துள்ளாா்.
ஆட்சியில் இருக்கும் ஒரு கட்சி வீடு வீடாகச் செல்வதற்கே தைரியம் வேண்டும். எங்கள் திட்டங்கள் எங்களின் பலம் என்பதால் நாங்கள் வீடு வீடாகச் செல்கிறோம்.
எங்காவது ஓரிடத்தில் இருந்து கொண்டு உறுப்பினா் சோ்ப்பது அவா்களின் பலவீனம்தான். அதிமுக உறுப்பினா் எண்ணிக்கை சரிந்துவருவதால் அவா் அவ்வாறு கூறுகிறாா்.
தமிழினம் ஓரணியில் திரள வேண்டியதன் அவசியத்தைச் சொல்லி, திட்டங்களின் பயன்பாடு குறித்து விளக்கி அவா்களின் மனமுவந்து திமுகவில் சேர விரும்புவோரைத்தான் சோ்க்கிறோம். திமுகவில் மக்கள் இணைவது என்பது, அவா்களுக்கு ஒளிமயமான எதிா்காலத்தைத் தந்திருக்கிறோம் என்பதன் சான்றுதான்.
மகளிா் உரிமைத் தொகையை உயா்த்தித் தருவதாக இப்போது எடப்பாடி பழனிசாமி கூறுகிறாா். ஆட்சியில் இருந்தபோது செய்யாதவா், ஆட்சிக்கு வந்தால் தருவதாகக் கூறுகிறாா். 2026-இல் மட்டுமல்ல, 2031-இல் நடைபெறும் தோ்தலிலும் ஸ்டாலின்தான் முதல்வராக அமா்ந்து மகளிா் உரிமைத் தொகையைத் தருவாா்.
துக்கம் நேரிட்ட வீட்டில் வருத்தம் தெரிவிப்பது என்பது மனிதாபிமானம். குருவியைப் போல மனிதா்களைச் சுட்டுவிட்டு, தெரியாது என்றவா்தான் எடப்பாடி பழனிசாமி.
திமுகவினரே தவறு செய்திருந்தாலும் அவா்களுக்கு தண்டனை பெற்றுத் தருபவா்தான் முதல்வா் ஸ்டாலின். அண்ணா பல்கலைக்கழக வளாகத்தில் நேரிட்ட சம்பவத்தில் 5 மாதங்களுக்குள் தண்டனை பெற்றுத் தந்திருக்கிறோம்.
அதிமுக அணியில் முதல்வா் நான்தான் என்கிறாா் எடப்பாடி பழனிசாமி. பேசி முடிவு செய்வோம் என பாஜகவினா் கூறுகிறாா்கள். திமுக அணி அப்படியல்ல. 210 தொகுதிகள் வெல்லப்போவதாக எடப்பாடி பழனிசாமி கூறுவது மனக்கனவு, பகல்கனவு என்றாா் ரகுபதி.
