பெருந்துறை அருகே வீட்டின் பூட்டை உடைத்து ஒன்றரை பவுன் நகை திருடப்பட்டது குறித்து போலீஸாா் வழக்குப் பதிவு செய்து விசாரணை நடத்திவருகின்றனா்.
பெருந்துறை, சென்னிவலசைச் சோ்ந்தவா் சந்தனராஜ் மகன் மாரிமுத்து (27). இவா் கடந்த 1ஆம் தேதி குடும்பத்துடன் வெளியூா் சென்றுவிட்டாா். கடந்த செவ்வாய்க்கிழமை திரும்பி வந்து பாா்த்தபோது வீட்டின் பூட்டு உடைக்கப்பட்டு இருந்தது. வீட்டின் உள்ளே சென்று பாா்த்தபோது, பீரோவில் வைத்து இருந்த ஒரு பவுன் தங்க நகை, அரை பவுன் மோதிரம் திருடப்பட்டது தெரியவந்தது.
புகாரின்பேரில், இது குறித்து பெருந்துறை போலீஸாா் வழக்குப் பதிவு செய்து விசாரணை நடத்திவருகின்றனா்.
