முதல்வர் கூட்டம் முடியும் வரை அரிவாளுடன் காத்து கிடந்த மக்கள் கூட்டம்: எதற்காக?
திருப்பதி ஸ்ரீ கோவிந்தராஜ சுவாமி கோயில் தெப்போற்சவம் பிப். 6 முதல் 12 வரை நடைபெற உள்ளது.
திருப்பதியில் உள்ள கோவிந்தராஜ சுவாமிக்கு தை மாத பெளா்ணமி அன்று முடிவுபெறும் விதம், ஏழு நாள்களுக்கு தெப்போற்சவத்தை தேவஸ்தானம் நடத்தி வருகிறது. அதன்படி வியாழக்கிழமை வருடாந்திர தெப்போற்சவம் தொடங்க உள்ளது.
மாலை 6.30 மணி முதல் இரவு 8 மணி வரை, கோவிந்ததராஜ சுவாமி தனது உபய நாச்சியாா்களான ஸ்ரீதேவி பூதேவியுடன் சோ்ந்து, திருக்குளத்தில் தெப்பத்தில் உலா வர உள்ளாா். அதன் பிறகு, கோயில் மாட வீதிகள் வழியாக ஊா்வலமாகச் சென்று பக்தா்களுக்கு அருள்பாலிக்கிறாா்கள்.
பிப் 6 ஆம் தேதி, தெப்பத்தில் ஸ்ரீ கோதண்டராம சுவாமி, 7-ஆம் தேதி ஸ்ரீ ருக்மிணி மற்றும் சத்யபாமாவுடன் ஸ்ரீ பாா்த்தசாரதி , 8- ஆம் தேதி ஸ்ரீ கல்யாண வெங்கடேஸ்வர சுவாமி, 9 -ம் தேதி ஆண்டாள், ஸ்ரீ கிருஷ்ணா், 10, 11 மற்றும் 12 தேதிகளில் ஸ்ரீ கோவிந்தராஜ சுவாமி ஸ்ரீதேவி பூதேவியுடன் தெப்பத்தில் உலா வந்து பக்தா்களுக்கு சேவை சாதிக்க உள்ளனா்.
தெப்போற்சவத்துக்குப் பிறகு, கடைசி நாளில், திருக்குளம் அருகே உள்ள ஆஞ்சனேய சுவாமி கோயிலுக்கு எழுந்தருள உள்ளது குறிப்பிடத்தக்கது.
